الماتى قالاسىنىڭ پروكۋرورلارى تاۋلى ايماقتا سالىنىپ جاتقان قۇرىلىسقا قاتىستى 150-دەن استام زاڭ بۇزۋشىلىقتى انىقتادى.
سونداي-اق سۋ قورعاۋ اۋماقتارىندا 118 زاڭسىز قۇرىلىس تىركەلگەن. بۇل تۋرالى Almaty-akshamy.kz 24 kz-كە سىلتەمە جاساپ حابارلايدى.
اتاپ ايتقاندا، باسسەين ينسپەكسياسىنىڭ كەلىسىمىنسىز 40 نىساننىڭ قۇرىلىسى قولعا الىنعان. سۋ قورعاۋ بەلدەۋلەرى رۇقساتسىز يەمدەنگەن. جالپى، الماتىدا سۋ قورعاۋ بەلدەۋلەرىندە قۇرىلىس جۇمىستارىن جۇرگىزۋگە تىيىم سالىنعان. مۇنداي ايماقتار تۇرعىنداردى تابيعي اپاتتاردان قورعاۋ ماقساتىندا پايدالانىلۋى قاجەت، دەيدى ماماندار. پروكۋراتۋرا جۇرگىزگەن تەكسەرىسكە قاتىستى قىلمىستىق ءىس قوزعالدى.
- ناۋرىزباي اۋدانىنىڭ "جايلاۋ" شاعىناۋدانىندا اۋماعى 13 گەكتار جەكە تۇرعىن ءۇي قۇرىلىسىنا ارنالعان جالعان اكىمدىك اكتىلەرىنىڭ كۇشى جويىلدى. وندا تاۋلاردىڭ بوكتەرىندە از قاباتتى تۇرعىن ءۇي كەشەندەرىنىڭ قۇرىلىسى جوسپارلانعان بولاتىن. اۆتوكولىك جۋۋ ورىندارىنىڭ زاڭسىز جۇمىس ىستەۋىنىڭ 29 فاكتىسى، سونداي-اق ماقساتىندا پايدالانىلمايتىن 15 ۋچاسكە انىقتالدى. بۇل نىساندار سۋ قورعاۋ بەلدەۋىندە ورنالاسقان،- دەيدى قالالىق پروكۋراتۋرانىڭ رەسمي وكىلى نۇرسۇلتان جەدەلباي.