الماتى وبلىسىندا توتەنشە جاعدايلار مينيسترلىگى قىزمەتكەرلەرى تاۋدا قالىپ قويعان 2008 جىلى تۋعان ءجاسوسپىرىمدى قۇتقاردى.
وقيعا كەشە كۇندىز بولعان، دەپ حابارلايدى aqshamnews.kz.
112 پۋلتىنە حابارلاسقان ءجاسوسپىرىم تەڭىز دەڭگەيىنەن 3100 مەتر بيىكتىكتە ورنالاسقان بۋكرەيەۆ شىڭىنا كوتەرىلىپ، ءوز بەتىنشە تومەن تۇسە الماي قالعانىن حابارلادى. ول تاۋدا جالعىز بولعان.
«قۇتقارۋشىلار بالانىڭ قوزعالىس باعىتىن انىقتاپ، ىزدەۋ جۇمىستارىنا دەرەۋ كىرىستى. توتەنشە جاعدايلار قىزمەتىنىڭ ماماندارى ءجاسوسپىرىمدى تاۋىپ، ءقاۋىپسىز جەرگە ءتۇسىردى. كەيىن ول الماتىعا جەتكىزىلىپ، تۋىستارىنا تابىستالدى»، - دەلىنگەن حابارلامادا.
قۇتقارۋ بارىسىندا جاسوسپىرىمگە بارلىق قاجەتتى كومەك كورسەتىلدى. ءقازىر ونىڭ جاعدايى جاقسى.