جىل سوڭىندا الماتى تۇرعىندارىن كوپتەگەن قىزىقتى وقيعالار كۇتۋدە.
الماتىدا قازاقستان تاۋەلسىزدىگىنىڭ 30 جىلدىعىن مەرەكەلەۋ اياسىندا «قايىرىمدى ىستەر مارافونى» جالپىۇلتتىق جوباسى جۇزەگە اسىرىلۋدا، دەپ حابارلايدى Almaty-akshamy.kz.
الماتى قالاسى قوعامدىق دامۋ باسقارماسى باسشىسىنىڭ ورىنباسارى رەنات بەكبەرگەنوۆ وڭىرلىك كوممۋنيكاسيالار قىزمەتىندە وتكەن باسپا ءسوز كونفەرەنسياسىندا جۇزەگە اسىرىلعان جانە جوسپارلانعان ءىس-شارالار تۋرالى ايتتى.
قازاقستان رەسپۋبليكاسى تاۋەلسىزدىگىنىڭ 30 جىلدىعى ساپالى ءارى جوعارى دەڭگەيدە ءوتۋى ءۇشىن ءبىرىڭعاي قالالىق جوسپار ازىرلەندى. بارلىعى 953 ءىس-شارا جوسپارلانسا، ونىڭ 2ء-ى رەسپۋبليكالىق، 436-ى قالالىق، 549-ى اۋداندىق دەڭگەيدە وتەدى.
قالاداعى ءىس-شارا رەسپۋبليكانىڭ 30 جىلدىق كەزەڭىندەگى جەتىستىكتەرىنە جانە ءار ايدىڭ تاقىرىپتىق جەلىلەرىنە سىلتەمە جاساي وتىرىپ وتكىزىلىپ، سونداي-اق اتاۋلى كۇن مەن مەرەكەلەرگە ارنالادى.
«مىسالى، ماۋسىم ايىندا الماتىدا مەملەكەتتىك رامىزدەر كۇنىنە، مەديسينا قىزمەتكەرلەرى كۇنىنە جانە پوليسيا كۇنىنە ارنالعان 70-تەن استام ءتۇرلى فورماتتاعى ءىس-شارالار ءوتتى. تۇرعىن ءۇي تەرەزەلەرىنە جالاۋلار قويىلىپ، ءانۇران ءبىر مەزگىلدە ورىندالدى. ادام كوپ جينالاتىن اۋماقتا مەملەكەتتىك تۋ تاراتىلىپ، جالاۋلارى بار اۆتوكولىكتەر مەن موتوجارىستار ءوتتى»، – دەدى رەنات بەكبەرگەنوۆ.
شىلدە ايىندا مەگاپوليستە ق ر استاناسى كۇنىنە ارنالعان ونلاين جانە وففلاين فورماتتا اشىق اسپان استىندا ءىس-شارالار ءوتتى.
«قالادا ماڭىزدى وقيعالار بولدى. 25 ونەركاسىپتىك جانە الەۋمەتتىك-مادەني نىساندار پايدالانۋعا بەرىلدى. سونىڭ ىشىندە قازاقستان-شۆەيساريا تۋريزم جانە قوناق ءۇي بيزنەسى ينستيتۋتى، Ads Industries فارمزاۋىتى، «تەررەنكۋر» جاياۋ جۇرگىنشىلەر ايماعى، جاڭا بالاباقشا مەن مەكتەپتەر اشىلدى»، – دەدى قوعامدىق دامۋ باسقارماسىنىڭ وكىلى.
ەكىنشى جارتىجىلدىقتا قالا اكىمدىگى قازاقستان رەسپۋبليكاسى تاۋەلسىزدىگىنىڭ 30 جىلدىعى اياسىندا 800-دەن استام ءىس-شارا وتكىزۋدى جوسپارلاپ وتىر.
«تامىز ايىنىڭ سوڭى مەن قىركۇيەك ايىنىڭ باسىندا پەداگوگ قىزمەتكەرلەردىڭ تامىز كونفەرەنسياسىن، قازاقستان رەسپۋبليكاسىنىڭ كونستيتۋسيا كۇنىنە ارنالعان اۋقىمدى ءىس-شارالاردى وتكىزۋ جوسپارلانعان. سونداي-اق الماتىدا «تاۋەلسىزدىك جەتىستىكتەرى» تاقىرىبىندا ءبىرىڭعاي قالالىق سىنىپ ساعاتى مەن اشىق ساباقتار وتەدى. سونىمەن قاتار ىبىراي التىنسارينگە ەسكەرتكىش پەن 13 جاڭا ءبىلىم بەرۋ نىسانىن اشۋ جوسپارلانۋدا»، – دەدى رەنات بەكبەرگەنوۆ.
جىل سوڭىندا الماتى تۇرعىندارىن كوپتەگەن قىزىقتى وقيعالار كۇتۋدە. مىسالى، قاراشا ايىندا يندۋستريالىق-يننوۆاسيالىق جانە الەۋمەتتىك نىسانداردى ىسكە قوسۋ، «الماتى – تاۋەلسىزدىكتىڭ التىن بەسىگى» رەسپۋبليكالىق فورۋمى جانە Creative jastar يننوۆاسيالىق جوبالار بايقاۋى سياقتى كوپتەگەن ءىس-شارا وتەدى.
جەلتوقسان ايىندا قالادا تۇڭعىش پرەزيدەنت كۇنىنە ارنالعان ءىس-شارالار، «تاۋەلسىزدىك شەجىرەسى» تاقىرىپتىق كورمەلەرى، عىلىمي-پراكتيكالىق كونفەرەنسيالار جوسپارلانعان.
جەلتوقسان وقيعاسىنىڭ 35 جىلدىعىنا ارنالعان اتاۋلى كۇنگە ەرەكشە نازار اۋدارىلدى. اتاۋلى كۇن قارساڭىندا قايىرىمدىلىق ءىس-شارالارى وتكىزىلىپ، مۇقتاج جاندارعا قاجەتتى قولداۋ شارالارى كورسەتىلەدى.
«قايىرىمدى ىستەر مارافونى» رەسپۋبليكالىق جوباسى اياسىندا 396 ءتۇرلى فورماتتاعى ءىس-شارالار جۇزەگە اسادى. جوبانىڭ ارقاسىندا مۇقتاج وتباسىلارعا ازىق-تۇلىك جيىنتىعى تۇرىندە ماتەريالدىق قولداۋ كورسەتىلىپ، تۇرعىن ءۇيدى جوندەۋگە مۇمكىندىك بەرىلەدى. بارلىعى 22 مىڭعا جۋىق الماتىلىق قولداۋ الدى.
«قايىرىمدى ىستەر مارافونىنا» الماتى كاسىپكەرلەرى بەلسەنە قاتىسۋدا. بۇل تۋرالى الماتى قالاسى «قازاقستان ۇيعىرلارىنىڭ رەسپۋبليكالىق مادەني ورتالىعى» قوعامدىق بىرلەستىگىنىڭ وكىلدىگى ءتوراعاسىنىڭ ورىنباسارى دولكۋنتاي ابدۋحاليل ايتتى.
مىسالى، Metal Prom Group كومپانيالار توبى وتكەن جىلى قايىرىمدىلىققا 105 ملن. تەڭگە جۇمسادى. جالپى، سوڭعى ءۇش جىلدا مۇقتاج جاندارعا 450 ملن. تەڭگە كولەمىندە قايىرىمدىلىق كومەك كورسەتىلدى.
«Metal Prom Group كومپانياسى ءۇشىن كومەك تەك جوعارى گۋمانيستىك ارەكەت ەمەس. ويتكەنى كاسىپورىننىڭ مىندەتى – ادالدىق، ەڭبەكسۇيگىشتىك، ساپا، مەملەكەتكە جانە ادامدارعا پايدا اكەلۋ. كاسىپورىن قوعامداعى الەۋمەتتىك ماڭىزدى ماسەلەلەردى شەشۋگە كومەكتەسۋگە دايىن»، – دەدى دولكۋنتاي ابدۋحاليل.
ونىڭ ايتۋىنشا، بارلىق كاسىپكەرلەر ءۇشىن قايىرىمدىلىق شاراسى كاسىپتىڭ الەۋمەتتىك جاۋاپكەرشىلىگىنىڭ كورىنىسى ەكەنىن ايتتى.
