الماتىدا «تاۋەلسىزدىك تاڭى» مونۋمەنتىنە گۇل شوقتارىن قويۋ ءراسىمى ءوتتى

قازا بولعانداردى ءبىر مينۋت ۇنسىزدىكپەن ەسكە الدى

الماتى اكىمى ب. ساعىنتايەۆ، ونىڭ ورىنباسارلارى، اۋدان اكىمدەرى، قوعام قايراتكەرلەرى، جەلتوقسان جانە جاستار ۇيىمدارىنىڭ وكىلدەرى 1986 جىلعى جەلتوقسان وقيعالارىنىڭ قۇرباندارىن ەسكە الدى، الدى دەپ حابارلايدى Almaty-akshamy.kz.

ەسكەرتكىشكە گۇل قويۋ راسىمىنەن كەيىن جينالعاندار سول وقيعالاردا قازا بولعانداردى ءبىر مينۋت ۇنسىزدىكپەن ەسكە الدى. ءدىن وكىلدەرى ەسكە الۋ ءۇشىن قۇران وقىدى. وسىدان سوڭ  جەلتوقسانشىلارعا ارنايى اس ۇيىمداستىرىلدى.

«تاۋەلسىزدىك تاڭى» مونۋمەنتى 2006 جىلى تۇڭعىش پرەزيدەنت – ەلباسى ن. نازاربايەۆتىڭ قاتىسۋىمەن جەلتوقسان-ساتبايەۆ كوشەلەرىنىڭ قيلىسىندا اشىلعانىن، جاستار ارمانداعان تاۋەلسىز قازاقستاندا ءومىر ءسۇرىپ جاتقانىمىز ەرەكشە اتالىپ ءوتىپ ەدى.

مەملەكەت باسشىسى ق.-ج. توقايەۆتىڭ جەلتوقسانشىلاردىڭ ەرلىگىن ماڭگى ەستە قالدىرۋ تۋرالى تاپسىرماسىنا سايكەس الماتىدا سول وقيعالاردىڭ قۇرمەتىنە «جەلتوقسان» دەپ اتالاتىن ساياباق اشىلدى. سونىمەن قاتار، وسى ساياباقتا ورناتىلاتىن ەسكەرتكىشتى دايىنداۋعا شىعارماشىلىق بايقاۋ جاريالاندى.

ەسكە سالساق، وسىنىڭ قارساڭىندا قازاقستاننىڭ تاۋەلسىزدىگىنىڭ 30 جىلدىعىنا وراي تاۋەلسىزدىك مونۋمەنتىنە سالتاناتتى تۇردە گۇل شوقتارىن قويۋ ءراسىمى ءوتتى.