ءورت سوندىرۋشىلەر تۇرعىندارعا قاۋىپسىزدىك ەرەجەلەرىن قااتڭ ساقتاۋدى ەسكەرتتى
الماتىدا مەدەۋ اۋدانى اۋماعىندا 0،7 گا الاڭدا تاۋدىڭ باۋرايىنداعى قۋراعان ءشوپ ورتەندى، دەپ حابارلايدى Almaty-akshamy.kz ق ر توتەنشە جاعدايلار مينيسترلىگىنە سىلتەمە جاساپ.
«جەدەل قابىلدانعان شارالاردىڭ ارقاسىندا جانۋ جويىلدى جانە ءورتتىڭ ودان ءارى تاۋدىڭ باۋرايىنا تارالۋىنا جول بەرىلمەدى. ءورت ءقاۋىپتى كەزەڭنىڭ باستالۋىنا بايلانىستى قالا تۇرعىندارى مەن قوناقتارىنان اشىق وتتى پايدالانۋدان، وت جاعۋدان، تەمەكى شەگۋدەن جانە قۇرعاق شوپتەر مەن سابانداردى جاعۋدان باس تارتۋدى سۇرايمىز. كىنالى ادامدار اكىمشىلىك جاۋاپكەرشىلىككە، ال زارداپتارى اۋىر بولسا قىلمىستىق جاۋاپكەرشىلىككە تارتىلادى»، - دەلىنگەن مينيسترلىكتىڭ حابارلاماسىندا.
جانۋدى جويۋعا جەكە قۇرامنىڭ 18 ادامى جانە 4 بىرلىك تەحنيكا جۇمىلدىرىلدى.
زارداپ شەككەندەر جوق.