ءۇش ەر ادام اۆتوبۋستاعى جولاۋشىعا جابىلىپ، ونى ۇرىپ-سوعىپ، كەيىننەن باسقا جولاۋشىلارعا دا كۇش كورسەتكەن. ولار ءتىپتى ايەل ادامعا دا كۇش كورسەتپەكشى بولعان، دەپ حابارلايدى aqshamnews.kz.
اۆتوبۋس جۇرگىزۋشىسى جولاۋشىلاردىڭ شۋىنا نازار اۋدارىپ، كولىكتى توقتاتىپ، ءتارتىپسىز جولاۋشىلاردى تىنىشتاندىرۋعا تىرىسقان. ءبىراق، ولار ودان ءارى اشۋلانىپ، ودان ءارى ۋشىعا تۇسكەن. جۇرگىزۋشىنى دە سوققىعا جىققان.
ەكى ەر ادام ونى اسفالتقا قۇلاتىپ، باسىنان تەپكەن، ال ءۇشىنشىسى كومەك كورسەتۋگە ۇمتىلعان جولاۋشىلاردى اۆتوبۋسقا كىرگىزبەي، باقىلاۋدا ۇستاعان.
وقيعادان كەيىن جۇرگىزۋشى ەسىن جيىپ، بەتىن جۋىپ، قايتادان جولاۋشىلاردى دىتتەگەن جەرلەرىنە جەتكىزۋدى جالعاستىردى.
بۇل وقيعاعا قاتىستى پوليسيادان ازىرگە رەسمي تۇسىنىكتەمە جوق.