27 جاستاعى ايەل ادام كوز جۇمدى.
№58 جولاۋشىلار اۆتوبۋسى مەن Mitsubishi Space Wagon جەڭىل كولىگى سوقتىعىسىپ، ايەل ادام قازا تاپتى، دەپ حابارلايدى aqshamnews.kz
جول اپاتى سولتۇستىك اينالما تاس جولى – بوكەيحانوۆ كوشەلەرىنىڭ قيىلىسىندا بولدى.
ەكى كولىك تە اينالما جولمەن قاتار جۇرگەن. اۆتوبۋس جول قوزعالىسى ەرەجەلەرىنە سايكەس، وڭ جاق جولاقپەن جىلجىعان.
سولتۇستىك اينالما تاس جولىنا شىعۋ كەزىندە Mitsubishi جۇرگىزۋشىسى وڭ جاق قاتارعا اۋىسپاي، ەكىنشى قاتاردان بۇرىلادى. مۇنى كۇتپەگەن اۆتوبۋس جۇرگىزۋشىسى قاپەلىمدە نە ىستەرىن بىلمەي قالعان، وسىلايشا كولىكتەردىڭ سوقتىعىسۋعا جول بەرىلدى.
سوققى سالدارىنان جەڭىل كولىك ءبىر بۇيىرىنە اۋدارىلا قۇلاپ، مينيۆەننىڭ ارتقى ورىندىعىندا وتىرعان كەلىنشەك قازا تاپتى.