ونىڭ قۇرىلىسىنا Halyk بانكى مەن Damu قورى قارجىلاي قولداۋ كورسەتتى. ساۋدا ويىن-ساۋىق ورتالىعىنىڭ اۋماعى 150 مىڭ شارشى مەتر. جوباسى قازاقستاندىق Eurasia RED ديەۆەلاپەرلىك كومپانياسىنا تيەسىلى، دەپ حابارلايدى almaty-akshamy.kz
Aport East موللىنان جانعا كەرەكتىڭ ءبارىن تابۋعا بولادى. ۇلكەندەر ءۇشىن دە، بالالار ءۇشىن دە قاجەتتىنىڭ ءبارى بار. تمد بويىنشا ەڭ ۇلكەن ەكرانمەن جابدىقتالعان Halyk Imax Kinopark 16 كينوتەاترى مەن ورتالىق ازياداعى ەڭ ءىرى Funky Planet وتباسىلىق ويىن-ساۋىق پاركى وسىندا. فۋدكورتتا 50-گە جۋىق مەيرامحانا مەن كافە ورنالاسقان.
Magnum سۋپەرماركەتى جەلىسى تاعى ءبىر ساۋدا ورتالىعىمەن تولىقتى. ونىڭ اۋماعى 4،5 مىڭ شارشى مەترگە جۋىق.
- ءبىز مۇنىمەن توقتاپ قالمايمىز. الداعى جوسپارىمىز اۋقىمدى. ءقازىر Aport East موللىنىڭ ەكىنشى كەزەڭىنىڭ قۇرىلىسى ءجۇرىپ جاتىر. ونىڭ 40 مىڭنان استام شارشى مەترىندە Sanremo Resort&Spa اكۆاپاركى، فيتنەس ورتالىعى اشىلادى. وندا ءبىر ۋاقىتتا 4300 ادام دەمالادى. ەندى ءۇشىنشى كەزەڭ جوبالانىپ جاتىر. ونىڭ اۋماعىندا 25 حالىقارالىق برەند ورنالاسادى، - دەپ حابارلايدى Aport موللىنىڭ تەڭ مەنشىك يەسى دميتريي ريەۆين.
ءبىرىنشى Lifestyle Aport East موللى الماتى اگلومەراسياسىنىڭ باتىس بولىگىن دامىتۋعا ءساتتى پايدالانىلدى. ال ەكىنشىسى شىعىس جاعىن وركەندەۋگە سەپتىگىن تيگىزبەك. ول جەردە 5 مىڭ جاڭا جۇمىس ورنى اشىلىپ، وسى اۋماققا جاقىن ورنالاسقان 1 ميلليون ادامعا قىزمەت كورسەتەدى.