بودي-ماسساج سالونىنىڭ يەسى دە جاۋاپقا تارتىلدى.
الماتىدا تاعى ءبىر جەزوكشەلەر ءۇيى انىقتالدى، دەپ حابارلايدى Almaty-akshamy.kz Polisia.kz-كە سىلتەمە جاساپ.
«Stop-ترافيك» جەدەل الدىن الۋ ءىس-شاراسى بارىسىندا پوليسيا قىزمەتكەرلەرى الماتى قالاسىنىڭ مەدەۋ اۋدانىندا ورنالاسقان بودي-ماسساج سالونىن انىقتادى.
ءۇش قاباتتى كوتتەدجدە 15 بولمە مەن ساۋنا بار. مەكەمەدەگى جۇمىس بارىسىن ەكى اكىمشى باقىلاپ وتىردى.
«اكىمشىلەر مەن سالوندا ماسساجيست بولىپ جۇمىس ىستەيتىن تاعى 20 قىز ۇستالدى. ولاردىڭ جاسى 20-28 جاس ارالىعىندا. بۇل مەكەمەنىڭ «قىزمەتكەرلەرى» - قازاقستاننىڭ باسقا ايماقتارىنان كەلگەن قوناقتار. ولاردىڭ جەكە باسىنىڭ باسقا دا قۇقىقبۇزۋشىلىقتارعا قاتىسى بار-جوعى تەكسەرىلۋدە. مەدەۋ اۋداندىق پوليسيا باسقارماسى ق ر اقبك-نىڭ 450-بابىنا سايكەس اكىمشىلىك ءىس ماتەريالدارىن جيناقتادى. كورسەتىلگەن سالوننىڭ يەسى دە انىقتالدى – ول 34 جاستاعى ج. ەسىمدى ازامات بولىپ شىقتى. ول دا جاۋاپقا تارتىلدى»، – دەدى الماتى قالالىق پد ۇيىمداسقان قىلمىسقا قارسى كۇرەس باسقارماسىنىڭ باستىعى جانات نۇرعالييەۆ.