الماتى قالاسى مەدەۋ اۋدانىنداعى م.مامەتوۆا اتىنداعى №28 ليسەيدە ءتورتىنشى پوليسيا سىنىبى اشىلدى.
سالتاناتتى شاراعا اۋداندىق پوليسيا باسقارماسىنىڭ باسشىلىعى، “جاس ساقشى” پوليسيا سىنىبىنىڭ وقۋشىلارى، جوعارى سىنىپ وقۋشىلارى، ۇستازدار، اتا-انالار كوميتەتىنىڭ وكىلدەرى، پوليسيا قىزمەتكەرلەرى، ءىىو-نىڭ ارداگەرلەرى قاتىستى، دەپ حابارلايدى aqshamnews.kz Polisia.kz-كە سىلتەمە جاساپ.
بۇرىن حابارلانعانداي، “جاس ساقشى” پوليسيا سىنىپتارىن قۇرۋ – ىشكى ىستەر مينيسترلىگىنىڭ باسىم جوباسى جانە ول ءبىرىنشى كەزەكتە پاتريوتيزم مەن وتانعا دەگەن سۇيىسپەنشىلىكتى تاربيەلەۋگە، مەكتەپ ورتاسىندا قۇقىق بۇزۋشىلىقتىڭ الدىن الۋعا جانە ماماندىق تاڭداۋدا ولارعا كومەك كورسەتۋگە باعىتتالعان. بۇل باستاما ءىىم ءۇشىن پوليسيانىڭ كاسىبي وزەگىن ساقتاۋدىڭ، ۇرپاقتار ساباقتاستىعىن قامتاماسىز ەتۋدىڭ، ۋاقىت وتە كەلە قالىپتاسقان وزىق داستۇرلەردى ناسيحاتتاۋدىڭ ەرەكشە ماڭىزدىلىعىن كورسەتەدى.