جالپى، جەمقورلىق دەرەكتەرى ءجيى كەزدەسەدى دەگەن التى سالا بەلگىلەنگەن
الماتى قالاسى اكىمىنىڭ ورىنباسارى الىشەر ءابدىقادىروۆتىڭ توراعالىعىمەن سىبايلاس جەمقورلىققا قارسى ءىس-قيمىل ماسەلەلەرى جونىندەگى قالالىق كوميسسيانىڭ كەزەكتەن تىس كەڭەيتىلگەن وتىرىسى ءوتتى. وتىرىسقا اۋدان اكىمدەرى، مەملەكەتتىك جانە قۇقىق قورعاۋ ورگاندارىنىڭ، كۆازيمەملەكەتتىك سەكتوردىڭ باسشىلارى، قوعام وكىلدەرى قاتىستى، دەپ حابارلايدى Almaty-akshamy.kz.
جيىندا ءسوز العان الىشەر ءابدىقادىروۆ سىبايلاس جەمقورلىققا ۋاقىتىلى جانە ۇيلەستىرىلگەن ارەكەتپەن عانا ءتيىمدى قارسى تۇرۋعا بولاتىنىن اتاپ ءوتتى.
«مەملەكەت باسشىسى بەكىتكەن قازاقستان رەسپۋبليكاسىنىڭ سىبايلاس جەمقورلىققا قارسى ساياساتىنىڭ تۇجىرىمداماسىن ىسكە اسىرۋ اياسىندا الماتى تۇرعىندارىنىڭ الەۋمەتتىك ماڭىزدى ماسەلەلەرىن شەشۋدە كۇش-جىگەردى بىرىكتىرۋ قاجەت. سونىمەن قاتار، مەملەكەتتىك ورگانداردىڭ باسشىلارى سىبايلاس جەمقورلىققا قارسى ساياسات تۇجىرىمداماسىن ىسكە اسىرۋ جونىندەگى جوسپارىندا بەلگىلەنگەن ءىس-شارالاردىڭ تيىمدىلىگى مەن ورىندالۋ ساپاسىن باسىمدىقپەن ايقىنداۋى قاجەت»، - دەدى قالا اكىمىنىڭ ورىنباسارى الىشەر ءابدىقادىروۆ.
ءوز سوزىندە قازاقستان رەسپۋبليكاسى سىبايلاس جەمقورلىققا قارسى ءىس-قيمىل اگەنتتىگى ءتوراعاسىنىڭ ءبىرىنشى ورىنباسارى دميتريي مالاحوۆ سىبايلاس جەمقورلىق تاۋەكەلدەرىنىڭ كارتاسى ازىرلەنگەنىن، وعان ەلىمىزدىڭ ءاربىر ءوڭىرىنىڭ ەڭ وزەكتى ماسەلەلەرى ەنگىزىلگەنىن اتادى. كارتادا اكىمشىلىك كەدەرگىلەردىڭ بولۋىنا، زاڭنامانىڭ جەتىلمەگەندىگىنە، سىبايلاس جەمقورلىق تاۋەكەلدەرىنە بايلانىستى شەشىمى تابىلماعان ماسەلەلەردىڭ تىزبەسى كورسەتىلگەن.
الماتى قالاسى بويىنشا سىبايلاس جەمقورلىق تاۋەكەلدەرىنە نەعۇرلىم بەيىم 6 باعىت انىقتالدى، ولار - قۇرىلىس، ەكولوگيا، فيسكالدىق سالا، الەۋمەتتىك سالا، ەكونوميكا جانە قارجى.
الماتى قالاسى اكىمىنىڭ ورىنباسارى ايتقانداي، بۇگىندە الماتى قالاسى اكىمدىگىندە سىبايلاس جەمقورلىق تاۋەكەلدەرىنە ىشكى تالداۋ جۇرگىزىلىپ جاتىر، اكىمشىلىك كەدەرگىلەردى جويۋ، اشىقتىق پەن جاريالىلىقتى قامتاماسىز ەتۋ ءۇشىن ءبىلىم بەرۋ، دەنساۋلىق ساقتاۋ، كولىك، جەر قاتىناستارى سالاسىنداعى جۇمىس وڭتايلاندىرىلدى، مەملەكەتتىك قىزمەت ەلەكتروندىق فورماتقا اۋىستىرىلدى، مەملەكەتتىك اپپاراتتىڭ قوعاممەن سىندارلى ديالوگى قۇرىلدى.