ءىس-شاراعا الماتى قالاسىنىڭ ۇكىمەتتىك ەمەس ۇيىمدارى مەن قوعامدىق كەڭەسىنىڭ وكىلدەرى قاتىستى.
الماتى قالاسىنا جۇمىس ساپارى اياسىندا ق ر سىبايلاس جەمقورلىققا قارسى ءىس-قيمىل اگەنتتىگىنىڭ پريەۆەنسيا قىزمەتىنىڭ باسشىسى سايان احمەتجانوۆ جۇرتشىلىقپەن اشىق ديالوگ جۇرگىزدى، دەپ حابارلايدى Almaty-akshamy.kz.
سايان احمەتجانوۆ ءىس-شارانى اشا وتىرىپ، ونىڭ ساپارىنىڭ نەگىزگى ماقساتى مەگاپوليستىڭ سىبايلاس جەمقورلىق تاۋەكەلدەرىنىڭ كارتاسىندا كورسەتىلەتىن حالىقتىڭ پروبلەمالىق ماسەلەلەرىن شەشۋ بولىپ تابىلاتىنىن اتاپ ءوتتى.
«وكىنىشكە وراي، الماتىدا قالا تۇرعىندارىن تولعاندىراتىن جانە ولاردىڭ تاراپىنان سىن تۋدىراتىن 6 نەگىزگى سالا انىقتالدى. بۇل-دەنساۋلىق ساقتاۋ مەن ءبىلىم بەرۋ، ەكولوگيا، جەر قاتىناستارى، ەكونوميكا مەن قارجى، قۇرىلىس پەن تۇرعىن ءۇي سالالارى، سونداي-اق فيسكالدىق سالا بولىپ تابىلادى. ولاردى جويۋ جانە ازاماتتاردىڭ الەۋمەتتىك كوڭىل-كۇيىن جاقسارتۋ ءۇشىن ءبىز جۇرتشىلىقپەن تىعىز ءوزارا ءىس-قيمىل جاساۋىمىز قاجەت»، - دەپ سايان احمەتجانوۆ اتاپ ءوتتى.
ءوز كەزەگىندە قوعام وكىلدەرى ءوز پىكىرلەرىن ءبىلدىرىپ، سىبايلاس جەمقورلىق قۇقىق بۇزۋشىلىقتاردىڭ الدىن الۋ بويىنشا باستامالانعان جاڭا تاسىلدەردى قولدادى.
«ازاماتتىق ينستيتۋتتار سىبايلاس جەمقورلىققا قارسى قۋاتتى رەسۋرس بولىپ تابىلادى، ولار مەملەكەتتىك سىبايلاس جەمقورلىققا قارسى ساياساتتىڭ ناقتى تيىمدىلىگى تۋرالى سەنىمدى اقپاراتتىڭ ءتۇسۋىن قامتاماسىز ەتۋگە جانە بيلىك پەن قوعام اراسىنداعى كەرى بايلانىس تەتىگىن قولداۋعا قابىلەتتى. ءبىز ءوز تاراپىمىزدان الدىن الا جۇمىس ىستەيتىن، تىڭدايتىن، حالىقتىڭ ءتۇرلى پروبلەمالارىنىڭ الدىن الاتىن قادامدار جاسايتىن بولامىز»، - دەپ الماتى قالاسى قوعامدىق كەڭەسىنىڭ ءتوراعاسى التىناي كوبەيەۆا ءبولىستى.
سوڭىندا تاراپتار سىبايلاس جەمقورلىققا قارسى ساياساتتى ىسكە اسىرۋدا جانە سىبايلاس جەمقورلىققا قارسى قىزمەت پەن قوعامنىڭ كۇش-جىگەرىن بىرىكتىرۋ ارقىلى سىبايلاس جەمقورلىقتىڭ كەز كەلگەن كورىنىستەرىنە جول بەرمەۋدە ءوزارا ءىس-قيمىلدى جانداندىرۋعا كەلىستى.