الماتى قالاسىندا سىبايلاس جەمقورلىق تاۋەكەلدەرىنىڭ كارتاسىن ىسكە اسىرۋ تۋرالى ق ر سىبايلاس جەمقورلىققا قارسى ءىس-قيمىل اگەنتتىگىنىڭ الماتى قالاسى بويىنشا دەپارتامەنتىنىڭ باسشىسى ارمان راحيموۆ وكق بريفينگىندە سويلەگەن سوزىندە ايتتى، دەپ حابارلايدى Almaty-akshamy.kz.
سپيكەردىڭ مالىمەتىنشە، اعىمداعى جىلى سىبايلاس جەمقورلىققا قارسى 11 مونيتورينگ جانە سىبايلاس جەمقورلىق تاۋەكەلدەرىنە 4 سىرتقى تالداۋ جۇرگىزىلدى، ونىڭ قورىتىندىسى بويىنشا 137 ۇسىنىم ەنگىزىلدى.
ارمان راحيموۆتىڭ ايتۋىنشا، قالادا بيزنەستى دامىتۋدىڭ تيىمدىلىگىنە اسەر ەتەتىن ءبىرقاتار پروبلەمالار بار.
«كاسىپكەرلەرگە كومەك كورسەتۋ ماقساتىندا جىل باسىنان بەرى ىسكە اسىرىلىپ جاتقان “بيزنەسكە جول» جوباسى اياسىندا 2000-نان استام كاسىپكەردى قامتۋمەن 101 كەزدەسۋ وتكىزىلدى، 38 پروبلەمالىق ماسەلە شەشىلدى، 1600-دەن استام كاسىپكەردىڭ قۇقىقتارى قورعالدى. كاسىپكەرلىك قىزمەتكە ارالاسقانى ءۇشىن اقبتك - ءنىڭ 173-بابى بويىنشا 3 لاۋازىمدى تۇلعا اكىمشىلىك جاۋاپكەرشىلىككە تارتىلدى»، - دەدى سپيكەر.
7 فاكت بويىنشا اقبتك-نىڭ 465-بابى بويىنشا رۇقسات بەرۋ ءتارتىبى مەن مەرزىمىن بۇزعانى ءۇشىن 4 ادام جاۋاپقا تارتىلدى.
«ءبىز جۇمىستى قوعام قايراتكەرلەرىمەن، ۇكىمەتتىك ەمەس ۇيىمداردىڭ، ازاماتتىق اليانستىڭ وكىلدەرىمەن، بيزنەس بەلسەندىلەرىمەن جانە جاستار قوزعالىستارىنىڭ كوشباسشىلارىمەن تىعىز قارىم - قاتىناستا جۇرگىزەمىز»، - دەيدى ا.راحيموۆ.
ايتا كەتەيىك، سىبايلاس جەمقورلىققا قارسى مادەنيەتتى قالىپتاستىرۋ اياسىندا 180 مىڭنان استام ادامدى قامتيتىن ءتۇرلى فورماتتاعى 750-دەن استام ءىس-شارا وتكىزىلدى.
الەمدىك وڭ تاجىريبەلەردى ەسكەرە وتىرىپ، اعىمداعى جىلدىڭ تامىز ايىندا اگەنتتىك “سىبايلاس جەمقورلىققا قارسى ۆولونتەرلىك" جاڭا الەۋمەتتىك جوباسىن ىسكە قوستى، ونىڭ ماقساتى ەرىكتىلەر رەتىندە سىبايلاس جەمقورلىققا قارسى قوزعالىسقا بەي-جاي قارامايتىن ازاماتتاردى تارتۋ بولىپ تابىلادى.
الماتى قالاسىندا نيەت بىلدىرگەندەر سانى 250-دەن استام ادامنان اساتىن ەل بويىنشا باسقا وڭىرلەرمەن سالىستىرعاندا ازاماتتاردىڭ ەڭ كوپ سانى بولدى.