باعالاردى بەلگىلەۋ ءۇشىن 11 ملرد تەڭگە بولىنگەن.
الەۋمەتتىك ماڭىزى بار ازىق-تۇلىك تاۋارلارىنىڭ باعاسىن تۇراقتاندىرۋ ءۇشىن الماتىدا الەۋمەتتىك ناننىڭ، ءسۇت ونىمدەرىنىڭ جانە كۇنباعىس مايىنىڭ ءىرى وندىرۋشىلەرىنە قارىز ءبولۋ ماسەلەسى پىسىقتالۋدا. بۇل ماسەلە پرەمەر-مينيستردىڭ ورىنباسارى - ساۋدا جانە ينتەگراسيا ءمينيسترى باقىت سۇلتانوۆتىڭ قاتىسۋىمەن الماتى اكىمدىگىندە وتكەن كەڭەس بارىسىندا قارالدى، دەپ حابارلايدى Almaty-akshamy.kz Eldala.kz سىلتەمە جاساپ.
«اينالىم» قارىزدارى اياسىندا ءامات باعاسىن تۇراقتاندىرۋ ءۇشىن جەرگىلىكتى بيۋدجەتتەن كوكونىس، ەت ونىمدەرى، جۇمىرتقا جانە باكالەيا باعالارىن بەلگىلەۋ ءۇشىن 11 ملرد تەڭگە بولىنگەنى اتاپ ءوتىلدى.
سونىمەن قاتار، قالا اكىمدىگىندە پرەمەر-مينيستردىڭ ورىنباسارىنا باياندالعانداي، قازىرگى ۋاقىتتا جەڭىلدەتىلگەن قارجىلاندىرۋ جانە ۋاقىتشا ساقتاۋ قويمالارىن سالۋ ءۇشىن قالا شەگىندە جەر تەلىمدەرىن ءبولۋ ارقىلى شاعىن حابتار قۇرۋ مۇمكىندىگى قاراستىرىلۋدا. بۇل ءۇي جانىنداعى دۇكەندەردىڭ الىپساتارلارعا تاۋەلدىلىگىن تومەندەتۋگە، شاعىن ساۋدا نۇكتەلەرىنىڭ يەلەرىن ءىرى كوتەرمە ساۋدا بازارلارىندا ءوز بەتىنشە ساتىپ الۋ قاجەتتىگىنەن قۇتقارۋعا مۇمكىندىك بەرەدى. بۇل، جالپى العاندا، شاعىن ىشكى دۇكەندەردەگى باعا دەڭگەيىنە وڭ اسەر ەتۋى كەرەك.
ساۋدا كوميتەتىنە باعالاردى مونيتورينگىلەۋ جانە تالداۋ بويىنشا جۇمىستى جالعاستىرۋدى، ءامات-قا باعالاردى تۇراقتاندىرۋ شەڭبەرىندە «اينالىم سحەماسىن» ۇلعايتۋ بويىنشا شارالار قابىلداۋدى، ازىق-تۇلىك تاۋارلارىنىڭ بارلىق باعا بەلگىلەۋ تىزبەگى بويىنشا دەلدالدىق سحەمالاردى تەكسەرۋ جونىندەگى وڭىرلىك كوميسسيالاردىڭ قىزمەتىن جانداندىرۋدى تاپسىردى.