الماتى قالاسى اۋەزوۆ اۋدانىنىڭ ءتارتىپ ساقشىلارى انىقتاعانداي، جاستار تۇنگى ۋاقىتتا ارەكەت ەتكەن.
ولار كەڭ كولەمدى پلاتفورمالاردى، كوبىنەسە وتكەلدەردەگى بەتون قابىرعالاردى پايدالاندى. كۇدىكتىلەر ۇستالىپ، پروكۋراتۋرانىڭ ۇيلەستىرۋىمەن قاماۋعا الىندى. ەسىرتكىلەردى ناسيحاتتاۋ جانە جارنامالاۋ دەرەگى بويىنشا قىلمىستىق ءىس تەرگەلىپ جاتىر، دەپ حابارلايدى aqshamnews.kz Polisia.kz-كە سىلتەمە جاساپ.
– كۇدىكتىلەردىڭ ءبىرى – 18 جاستا، ەكىنشىسى – 22 جاستا. ەكەۋى دە باسقا جاقتان كەلگەندەر، الماتىدا تۇراقتى جۇمىسى جوق. ۇستالعانداردىڭ ايتۋىنشا، ولار “وڭاي اقشا تابۋدى” ينتەرنەتتەن تاپقان. ولاردىڭ “جۇمىس بەرۋشىلەرى” مىندەتتى تۇردە انىقتالىپ، جاۋاپقا تارتىلاتىن بولادى، – دەيدى اۋەزوۆ اۋداندىق پوليسيا باسقارماسىنىڭ باستىعى دانيار مەڭدەبايەۆ.
الماتى قالالىق پد ەسىرتكى قىلمىسىنا قارسى كۇرەس باسقارماسىنىڭ ايتۋىنشا، جىل باسىنان بەرى پوليسەيلەر 37 ەسىرتكى ساتۋشىنى ۇستادى. ەسىرتكى ساتۋدى ناسيحاتتاعان 451 ينتەرنەت-رەسۋرس بۇعاتتالدى.