وڭىرلىك كوممۋنيكاسيالار قىزمەتىنىڭ باسپا ءسوز كونفەرەنسياسىندا ق ر ۇلتتىق ەكونوميكا مينيسترلىگى تابيعي مونوپوليالاردى رەتتەۋ كوميتەتىنىڭ الماتى قالاسى بويىنشا دەپارتامەنتىنىڭ تابيعي مونوپوليالار مەن باعالاردى رەتتەۋ ءبولىمىنىڭ باسشىسى ارداق جاڭابايەۆا رەسۋرس ۇنەمدەۋدى ىنتالاندىرۋ بويىنشا جاڭا شارالاردى - تۇتىنۋدىڭ الەۋمەتتىك نورمالارىن ەنگىزۋ جوباسىن ۇسىندى، دەپ حابارلايدى aqshamnews.kz.
«سۋ رەسۋرستارىن تۇتىنۋ مادەنيەتىن ارتتىرۋ جانە تۇتىنۋشىلاردى سۋدى جانە جىلۋدى ۇنەمدەۋگە ىنتالاندىرۋ ءۇشىن تابيعي مونوپوليالار تۋرالى زاڭناماعا «تۇتىنۋدىڭ الەۋمەتتىك نورمالارى» ۇعىمى ەنگىزىلدى. ولار «نەعۇرلىم كوپ ۇنەمدەسەڭىز، سوعۇرلىم از تولەيسىز» قاعيداتى بويىنشا سۋمەن جابدىقتاۋ جانە جىلۋمەن جابدىقتاۋ قىزمەتتەرىن تۇتىنۋ كولەمىنە بايلانىستى جوعارى تاريفتەردى بەلگىلەۋگە باعىتتالعان»، - دەپ اتاپ ءوتتى سپيكەر.
ونىڭ ايتۋىنشا، سۋمەن جابدىقتاۋدا تاريفتەردىڭ ءتورت دەڭگەيلى جۇيەسى قولدانىلادى: 3 م³ دەيىن - اعىمداعى تاريف؛ 3 - تەن 5 م³ دەيىن - +20%؛ 5-تەن 10 م³ دەيىن - +50%؛ 10 م³ جوعارى جانە ەسەپتەگىش بولماعان جاعدايدا-قوس تاريف.
سونىمەن قاتار، جىلىتۋ ءۇشىن نورمالار تۇرعىن ءۇيدىڭ اۋدانى بويىنشا ەسەپتەلەدى: 100 م² دەيىن - بەكىتىلگەن تاريف؛ 100 - دەن 200 م² دەيىن - +10%؛ 200 م² جوعارى-ورتاشا تاريف.
ارداق جاڭابايەۆا سارالانعان تاريفتەر ارقىلى تۇسەتىن قوسىمشا قاراجات تۇرعىن ۇي-كوممۋنالدىق شارۋاشىلىعىن جاڭارتۋ ىسىنە جۇمسالاتىنىن ايتتى. اتاپ ايتقاندا، ينجەنەرلىك جەلىلەر جاڭارتىلىپ، رەسۋرس ۇنەمدەيتىن تەحنولوگيالار ەنگىزىلەدى جانە ەسەپتەۋ قۇرىلعىلارى ورناتىلادى.
سپيكەردىڭ ايتۋىنشا، قازىرگى ۋاقىتتا «الماتى سۋ» (3،3 ملرد تەڭگەگە) جانە «الماتى جىلۋ جۇيەسى» (83 ملن تەڭگەگە) ينۆەستيسيالىق باعدارلامالاردى وزگەرتۋگە وتىنىشتەر قارالۋدا.
«بۇل شارالار ينفراقۇرىلىمدى دامىتىپ قانا قويماي، تۇرعىن ءۇي كومەگى ەسەبىنەن از قامتىلعان وتباسىلاردى اتاۋلى تۇردە قولداۋعا مۇمكىندىك بەرەدى»، - دەپ اتاپ ءوتتى جاڭابايەۆا.