قالانىڭ كوممۋنالدىق قىزمەتتتەرىنىڭ جانە اۋداندىق تج باسقارمالارىنىڭ كۇشتەرى مەن قۇرالدارى ءقاۋىپتى ايماقتارعا الدىن الا جىبەرىلدى. جاۋىن-شاشىنعا دەيىن ينەرتتى ماتەريالدار دايىن بولدى دەپ حابارلايدى almaty-akshamy.kz
ساعات 15.00-دە جاڭبىر سۋلارىنىڭ كوتەرىلۋىنىڭ 10 جاعدايى تىركەلدى. 5 مەكەنجايدا سۋدى سورۋ جانە ارىقتاردى تازارتۋ جۇمىستارى جالعاسۋدا.
مەدەۋ اۋدانىنىڭ ەسەنبەرلين كوشەسىنىڭ بويىندا، 221 ءۇيدىڭ جانىندا سۋ جينالىپ قالعان. مۇندا كوممۋنالدىق ۇيىمداردىڭ قىزمەتكەرلەرى جەردە جۇمىس جاساۋدا، ارىق جەلىسى تازارتىلۋدا.
مەدەۋ اۋدانىنىڭ جانىبەكوۆ كوشەسى، 76 مەكەنجايى اۋلاسىنا دا سۋ جينالىپ قالعان. بۇل جەردە كوممۋنالدىق ۇيىمداردىڭ قىزمەتكەرلەرى جۇمىس ىستەۋدە، ارىق جەلىسى تازارتىلۋدا.
المالى اۋدانىنىڭ اباي داڭعىلى بويىنداعى ناۋرىزباي باتىر كوشەسىنىڭ قيىلىسىندا، مۇقانوۆ كوشەسىنىڭ بويىنداعى 172 ءۇيدىڭ جانىندا؛ برۋنو كوشەسى، 1 ءۇيدىڭ جانىندا جينالعان سۋلار سورىلىپ، ارىق جەلىسى تازارتىلۋدا.
روزىباكييەۆ كوشەسى 5 «ا»، قاراساي باتىر كوشەسى، 315؛ برۋسيلوۆسكيي كوشەسى، 100 «ا» مەكەنجايداعى اۋلالارىندا سۋ جينالعان. بۇل جەرلەردە كوممۋنالدىق ۇيىمداردىڭ كۇشتەرى مەن قۇرالدارى جۇمىس جاساۋدا.
الاتاۋ اۋدانىندا كوممۋنالدىق قىزمەتتەر قاراسۋ شاعىن اۋدانىنداعى ارالقۇم كوشەسى، 22 مەكەنجايعا باردى.
جەتىسۋ اۋدانىندا رايىمبەك داڭعىلى، 265/1 بويىندا «نۇرىم» مەيرامحاناسىنىڭ اۋماعىندا ينجەنەرلىك كوممۋنيكاسيالار جۇمىس ىستەپ جاتىر.
سۋ باسىپ قالۋ سەبەبى – ارىق جەلىلەرى قاتقىل تۇرمىستىق قالدىقتارمەن بىتەلىپ قالعان.
ەسكە سالساق، بۇعان دەيىن تجد 2021 جىلعى 14 تامىزداعى №28 ەسكەرتۋى بويىنشا كەي جەرلەردە جاۋىن-شاشىننىڭ، بەتكەيلەردە كوشكىننىڭ بولۋى مۇمكىن ەكەنىن، وزەندەردە سۋ دەڭگەيىنىڭ كوتەرىلگەنىن الدىن الا حابارلاعان بولاتىن.