1 قازان كۇنى ساعات 09:00-دەن الماتىدا جاڭبىر جاۋا باستادى. «قازگيدرومەت» رمك بولجامىنا سايكەس، جاۋىن-شاشىن 2 قازان ساعات 01:00-گە دەيىن جالعاسىپ، جالپى كولەمى 17 مم-گە دەيىن جەتۋى مۇمكىن. ساعات 20:00-دەن كەيىن قالادا قار ارالاس جاڭبىر جاۋۋى مۇمكىن. شىعىستان سوققان جەلدىڭ جىلدامدىعى 3-8 م/س، ەكپىنى 13 م/س-قا دەيىن جەتەدى. اۋا تەمپەراتۋراسى +6 °س شاماسىندا بولادى.
سينوپتيكتەردىڭ بولجامىنشا، 2 قازانعا قاراعان ءتۇنى جاۋىن مەن تۇمان ساقتالادى. تۇندە اۋا تەمپەراتۋراسى +3…+5 °س، كۇندىز +10…+12 °س ارالىعىندا بولادى.
3 قازاندا – اۋا رايى بۇلتتى، ءبىراق جاۋىن-شاشىنسىز. تۇندە +3…+5 °س، كۇندىز +13…+15 °س بولادى.
قالادا ىقتيمال سۋ باسۋدىڭ الدىن الۋ جانە ونىڭ سالدارىن جويۋ ماقساتىندا كوممۋنالدىق قىزمەتتەردىڭ تاۋلىك بويعى كەزەكشىلىگى كۇشەيتىلگەن تارتىپتە ۇيىمداستىرىلدى. جۇمىسقا 117 ارنايى تەحنيكا، 74 موتوپومپا، 14 اسسەنيزاتور كولىگى (ونىڭ ىشىندە 7ء-ۋى ءقاۋىپتى ايماقتاردا) تارتىلعان. 81 جەدەل بريگادا (421 جۇمىسشى) موتوپومپا مەن قاجەتتى قۇرال-جابدىقتارمەن قامتىلىپ، 2 310 قاپشىق دايىندالدى.
الماتى قالاسى قۇتقارۋ قىزمەتى: 1 اسسەنيزاتور كولىگى، 15 موتوپومپا، 51 مامان.
الماتى قالاسى تجد: 58 ارنايى تەحنيكا، 240 قىزمەتكەر.
كۇندىزگى ۋاقىتتا 387 ارنايى تەحنيكا مەن 1 808 جۇمىسشى ەڭبەك ەتەدى. تۇنگى ۋاقىتتا 153 ارنايى تەحنيكا مەن 301 جۇمىسشى جۇمىلدىرىلعان.
قالانىڭ تۇرعىندارىنا قاۋىپسىزدىك شارالارىن ساقتاپ، تۇنگى جانە تاڭعى ۋاقىتتا تاۋلى ايماقتارعا بارماۋعا شاقىرادى.