2025 جىلعى 28 ناۋرىزدا الماتى قالاسىنداعى №2 الماتى مەملەكەتتىك گۋمانيتارلىق-پەداگوگيكالىق كوللەدجىندە «ستۋدەنتتىك تەاتر – قۇقىقبۇزۋشىلىقتىڭ الدىن الۋ فاكتورى» تاقىرىبىندا قالالىق ادىستەمەلىك سەمينار ءوتتى. بۇل تۋرالى aqshamnews.kz حابارلايدى.
سەميناردىڭ ماقساتى – كوللەدجدىڭ ستۋدەنتتىك تەاتردى دامىتۋداعى تاجىريبەسىن تاراتۋ جانە ستۋدەنتتەردى تەاتر قىزمەتىنە تارتۋدىڭ ءتيىمدى ادىستەرىن تالقىلاۋ.
سەمينارعا الماتى قالاسىنىڭ ءبىلىم بەرۋ باسقارماسىنىڭ جاڭا تەحنولوگيالار بويىنشا قالالىق عىلىمي-ادىستەمەلىك ورتالىعىنىڭ، تەحنيكالىق جانە كاسىپتىك ءبىلىم بەرۋ ءبولىمىنىڭ وكىلدەرى، سونداي-اق قالاداعى مەملەكەتتىك جانە جەكەمەنشىك كوللەدجدەردىڭ تاربيە جۇمىسى جونىندەگى ديرەكتوردىڭ ورىنباسارلارى قاتىستى. بارلىعى 80 ادام.
كوللەدج ديرەكتورى ب. دۋانابايەۆا ءوز سوزىندە ستۋدەنتتىك تەاتردىڭ جاستاردىڭ ادامگەرشىلىك قۇندىلىقتارى مەن الەۋمەتتىك جاۋاپكەرشىلىگىن قالىپتاستىرۋداعى ماڭىزدى ءرولىن اتاپ ءوتتى.
تاربيە جۇمىسى جونىندەگى ديرەكتوردىڭ ورىنباسارى ي.س. شەلايەۆا «ستۋدەنتتىك تەاتر – قۇقىقبۇزۋشىلىقتىڭ الدىن الۋداعى ءتيىمدى قۇرال» اتتى بايانداماسىندا ستۋدەنتتەردى قۇقىقتىق سانا مەن ديەۆيانتتى مىنەز-قۇلىقتىڭ الدىن الۋعا باعىتتالعان تەاتر قىزمەتىنە تارتۋدىڭ تابىستى تاجىريبەلەرىن تانىستىردى.
سەمينار باعدارلاماسىنىڭ نەگىزگى بولىگىندە ستۋدەنتتىك تەاترلار ءوز قويىلىمدارىن ۇسىندى:
-
«دەم» تەاترى – «گاۋhارتاس» قويىلىمىنان ءۇزىندى. تەاتر جەتەكشىسى: احمەتوۆا ا.م.
-
فورۋم-تەاتر – «جالعىزدىڭ ءۇنى شىقپايدى» قويىلىمىنان ءۇزىندى. تەاتر جەتەكشىسى: مۋساتايەۆا ر.ك.
-
لينگۆيستيكالىق تەاتر – «كلارا سەتكين» قويىلىمىنان ءۇزىندى. تەاتر جەتەكشىسى: كابلانوۆ س.ا.
سەمينار «اشىق ميكروفون» فورماتىندا اياقتالىپ، قاتىسۋشىلار ءوز اسەرلەرىمەن ءبولىسىپ، وزەكتى ماسەلەلەردى تالقىلاپ، ستۋدەنتتىك تەاتردى دامىتۋعا قاتىستى جاڭا يدەيالار ۇسىندى.
قالالىق ادىستەمەلىك سەمينار تەاتر ونەرىنىڭ ءبىلىم بەرۋ پروسەسىندەگى ماڭىزدىلىعىن جانە ونىڭ جاستاردىڭ مىنەز-قۇلىق مادەنيەتى مەن ازاماتتىق ۇستانىمىن قالىپتاستىرۋعا اسەرىن راستادى.
سەمينار تۋرالى تولىق اقپاراتتى كوللەدجدىڭ رەسمي سايتىنان تابۋعا بولادى.