الماتىدا جوعارى وقۋ ورىندارىنىڭ ستۋدەنتتەرى قارجىلىق قاۋىپسىزدىك بويىنشا رەسپۋبليكالىق ديكتانت-تەستكە بەلسەندى تۇردە قاتىسىپ جاتىر.
اتالعان شارا ازاماتتاردىڭ قارجىلىق ساۋاتتىلىعىن ارتتىرۋعا جانە الاياقتىق سحەمالاردان قورعانۋ داعدىلارىن قالىپتاستىرۋعا باعىتتالعان.
ءىس-شارا قازاقستان رەسپۋبليكاسىنىڭ قارجى مونيتورينگى اگەنتتىگىنىڭ باستاماسىمەن، «حالىق بانك» اق جانە «قارىزسىز قوعام» قوعامدىق بىرلەستىگىنىڭ بىرلەسىپ ۇيىمداستىرۋىمەن وتكىزىلۋدە.
ديكتانتتىڭ ماقساتى – ازاماتتاردى الاياقتىق سحەمالارعا تارتۋدىڭ الدىن الۋ، سونداي-اق ولاردىڭ قارجىلىق قاۋىپسىزدىك قاعيداتتارى تۋرالى حاباردارلىعىن ارتتىرۋ. قاتىسۋشىلار ءوز بىلىمدەرىن تەكسەرىپ قانا قويماي، ديكتانتتان وتكەندىگى تۋرالى سەرتيفيكات الۋعا مۇمكىندىك الادى.
2025 جىلعى 14 قازان جاعدايى بويىنشا ديكتانتقا الماتى قالاسىنىڭ 6 مىڭنان استام تۇرعىنى، سونىڭ ىشىندە جەتەكشى جوعارى وقۋ ورىندارىنىڭ ستۋدەنتتەرى قاتىستى.
وسىنداي ءىس-شارالار «زاڭ جانە ءتارتىپ» قاعيداتىن ىسكە اسىرۋعا جانە جاستار اراسىندا جاۋاپتى قارجىلىق مىنەز-قۇلىقتى قالىپتاستىرۋعا ىقپال ەتەدى.