س.ج.اسفەندياروۆ اتىنداعى قازۇمۋ-دە وتەۋسىز قان تاپسىرۋ اكسياسى وتكىزىلدى، بۇل قايىرىمدىلىق شاراسىنا 80 ستۋدەنت قاتىستى، دەپ حابارلايدى Almaty-akshamy.kz.
اكسيا كومەكتى قاجەت ەتەتىن ناۋقاس بالالارعا قولداۋ كورسەتۋ اياسىندا ۇيىمداستىرىلدى، - دەيدى الماتى قالالىق قوعامدىق دەنساۋلىق ساقتاۋ باسقارماسىنىڭ «قالالىق قان ورتالىعىنىڭ »ديرەكتورى جاندوس ءنادىروۆ.
«مۇقتاج جاندارعا ەرىكتى تۇردە كومەكتەسۋگە دايىن ەكەنىن كورسەتكەن اكسيانىڭ بارلىق قاتىسۋشىلارىنا شىن جۇرەكتەن العىس بىلدىرەمىز. وسىنداي ساتتەر ءبىزدىڭ قوعامدا يگى ىستەردى اتقارۋعا، وزگەگە كومەكتەسۋگە دايىن جاناشىر جانداردىڭ بار ەكەنىن كورسەتەدى»، - دەپ اتاپ ءوتتى ول ءوز سوزىندە.
دونور بولۋعا نيەت بىلدىرگەن 80 ستۋدەنتتىڭ 52-سىنە قان تاپسىرۋعا رۇقسات بەرىلدى.
بۇل دونورلىق پروسەسكە دەگەن بايسالدى كوزقاراستى جانە ءاربىر قاتىسۋشىنىڭ جاۋاپكەرشىلىگىن كورسەتەدى.
اكسيا ناتيجەسىندە 26،52 ليتر قان جينالدى، بۇل كومەككە مۇقتاج جاندار ءۇشىن كەرەمەت قۇندى رەسۋرس بولارى ءسوزسىز.
مۇنداي شارالار ناۋقاس ادامداردىڭ ءومىرىن ساقتاپ قالۋمەن قاتار، قوعامدا دونورلىق مادەنيەتتىڭ قالىپتاسۋىنا دا سەپتىگىن تيگىزەدى.
وسىنداي ءىس-شارالار بىزگە ىنتىماق پەن ءوزارا كومەكتىڭ ماڭىزدىلىعىن ەسكە سالادى، سونىمەن قاتار ءارقايسىمىزدىڭ قايىرىمدىلىق ىستەرگە ۇلەس قوسا الاتىنىمىزدى كورسەتەدى.
«ءبىز شاراعا قاتىسۋشىلاردىڭ بارلىعىنا ۇلكەن العىسىمىزدى بىلدىرەمىز جانە بۇگىن باستاۋ العان ارىپەستىگىمىز ءالى دە جالعاسىن تابادى دەپ سەنەمىز. ءارقايسىمىز مۇقتاج جاندارعا كومەك قولىن سوزۋعا دايىن بولايىق جانە الەمدى جاقسىراق ءارى مەيىرىمدى ەتۋ ءۇشىن يگى ىستەر اتقارايىق»، - دەپ تۇيىندەدى ءسوزىن جاندوس ءنادىروۆ.
ەستەرىڭىزگە سالا كەتەيىك:
- جاسى ون سەگىزگە تولعان، ارنايى مەديسينالىق تەكسەرىلۋلەردەن وتكەن، قان تاپسىرۋعا قارسى كورسەتكىشى جوق جانە قان جانە ونىڭ كومپونەنتتەرىن مەديسينالىق ماقساتتا ەرىكتى تۇردە تاپسىراتىن جەكە تۇلعالار دونور بولا الادى.
- ق ر دەنساۋلىق ساقتاۋ مينيسترلىگىنىڭ بۇيرىعىنا سايكەس دونورلاردى قابىلداۋ تەك ق ر ازاماتىنىڭ جەكە كۋالىگى، ق ر ءتول قۇجاتى (ءتۇپ نۇسقاسى) نەمەسە ەلەكتروندىق نۇسقاسى بار بولعاندا عانا ىسكە اسىرىلادى. شەتەلدىك ازاماتتار شەتەلدىك ءتولقۇجات پەن ق ر جسن كورسەتۋى كەرەك.
- دونوردىڭ بويى 150 سم –دەن، سالماعى 50كگ جوعارى بولۋ كەرەك.
-دونورلىققا باراتىن كۇننىڭ قارساڭىندا دونورلارعا كەشكىسىن مايلى، قۋىرىلعان، اششى تاعامدار، ءسۇت ونىمدەرىن، سپيرتتىك ىشىمدىكتەر ىشۋگە بولمايدى. سپيرت ىشىمدىكتەرىن ىشكەننەن كەيىن 48 ساعات ءوتۋ كەرەك، سوڭعى 3 كۇندە ءدارى قابىلداۋعا بولمايدى.
- قان تاپسىرار كۇنى تاڭەرتەڭ جەڭىل تاماقپەن قاناعاتتانىڭىز ءجاي قانتپەن قارا ءشاي ءىشىڭىز. قان تاپسىرار الدىندا كوفە ىشۋگە بولمايدى. ەگەر دونور تاماق ىشسە ول قان الۋعا تەك 4-6 ساعات وتكەننەن كەيىن جىبەرىلۋى ءتيىس.
- دەنەلەرىنە اشەكەي سۋرەت سالعاندار، پيرسينگ جاساعاندار، ينەمەن ەمدەلگەندەر، ەرىن، قاسىنا تۇزەتۋ ەنگىزگەندەر وسى ارەكەتتەر اياقتالعاننان باستاپ، 4 ايعا دەيىن دونورلىققا جىبەرىلمەيدى.
- تۇنگى اۋىسىمداعى جۇمىستان سوڭ قان بەرۋگە بولمايدى.
- ايەلدەردىڭ ەتەككىرى كەلىپ كەتكەننەن سوڭ 5 كۇننەن كەيىن عانا دونور بولا الادى.
- گەپاتيتپەن، ۆيچ، تۋبەركۋلەزبەن ، جىنىستىق جولمەن بەرىلەتىن ينفەكسيامەن قاتەرلى ىسىكپەن اۋىرعاندار، مۇگەدەكتىك توپ بەرىلگەن ازاماتتار ت.ب – دونور بولا المايدى.