№1 الماتى تروللەيبۋس پاركى ۇزىندىعى 12 مەتر بولاتىن تومەن ەدەندى Yutong ZK6128BEVG تروللەيبۋستاردىڭ ءبىرىنشى پارتياسىن الدى، دەپ حابارلايدى Almaty-akshamy.kz
جىلجىمالى سوستاۆ وسىدان 11 جىل بۇرىن جاڭارتىلعان بولاتىن. سول كەزدە قالا قىتايدىڭ Neoplan Youngma ماركالى تروللەيبۋستارىنىڭ ۇلكەن پارتياسىن العان ەدى. ۇزاق ۋاقىت پايدالانعاندىقتان ولاردىڭ توزىعى جەتتى.
بۇگىنگى كۇنى الماتىعا 55 تروللەيبۋس جەتكىزىلدى. اعىمداعى جىلدىڭ 18 قاراشاسىنان باستاپ №1، №9، №12، №5، №11، №25، №7، №19، №6. باعىتتاردا 19 جاڭا جىلجىمالى بىرلىكتى ىسكە قوسۋ جوسپارلانۋدا. قالعان تروللەيبۋستار تەحنيكالىق دايىندىقتان وتكەن سوڭ جەلىگە شىعارىلادى.
جاڭا «يۋتونگتار» جولاۋشىلاردىڭ جايلى ءارى ءقاۋىپسىز قوزعالىسى ءۇشىن قاجەتتى بارلىق زاتتارمەن جابدىقتالعان. ەلەكتر قۋاتى ءوشىپ قالسا دا، بۇل تروللەيبۋستار كىرىكتىرىلگەن باتارەيانىڭ ارقاسىندا قوزعالىسىن جالعاستىرادى.
90 ورىندىق كابينادا بەينەباقىلاۋ جۇيەسى، تەلەفونداردى زاريادتاۋعا ارنالعان USB قوسقىشتارى جانە قۋاتتى كونديسيونەر بار. كابينادا زاماناۋي ەلەكترونيكا ورناتىلعان، ونىڭ ىشىندە جۇرگىزۋشىنىڭ ارەكەتىن تىركەيتىن بورتتىق جازعىش بار.
توتەنشە جاعدايدا تروللەيبۋس اۆتوماتتى ءورت ءسوندىرۋ جۇيەسىمەن جانە شۇعىل قىزمەتتەرگە قوڭىراۋ شالۋ تۇيمەسىمەن جابدىقتالعان. اۆتوماتتى قۇرىلعى جولاۋشىلاردى جايلى وتىرۋلارىنا، وڭاي تۇسۋلەرىنە. قاۋىپسىزدىكتەرىنە ىقپال ەتەدى.
جاڭا كولىكتى سىناپ كورگەن جۇرگىزۋشىلەر ونىڭ مانيەۆرلىك قابىلەتىنىڭ جوعارى ەكەنىن اتاپ وتەدى. بۇل الماتى كوشەلەرىمەن جۇرۋگە وتە ىڭعايلى.
ايتا كەتەرلىگى، جاڭا تروللەيبۋستاردىڭ بارلىق پارتياسى اعىمداعى جىلدىڭ سوڭىنا دەيىن جەتكىزىلەدى.