كەز-كەلگەن ءونىمنىڭ ساپا ۆەكتورى، ەڭ الدىمەن، ونى قامتاماسىز ەتۋدىڭ امبەباپ قۇرالى بولىپ تابىلاتىن ستاندارتتارمەن بەلگىلەنەدى. بۇل تۋرالى وڭىرلىك كوممۋنيكاسيالار قىزمەتىنىڭ بريفينگىندە «قازستاندارت» رەسپۋبليكالىق مەملەكەتتىك كاسىپورنىنىڭ الماتى قالاسى جانە الماتى وبلىسى بويىنشا فيليالىنىڭ ديرەكتورى داۋرەن سارسەنبايەۆ مالىمدەدى، دەپ حابارلايدى aqshamnews.kz.
«ءبىزدىڭ ينستيتۋتتىڭ قىزمەتى قازاقستاندىق ونىمدەر مەن قىزمەتتەردىڭ ساپاسىن، قازاقستاندىقتاردىڭ ءومىر ءسۇرۋ ساپاسى مەن دەڭگەيىن ارتتىرۋعا، قوعامنىڭ ۇلتتىق ستاندارتتاۋ جۇيەسىنە دەگەن سەنىمىن ارتتىرۋعا جانە جوعارى عىلىمي-تەحنيكالىق دەڭگەيدە قىزمەت كورسەتۋ ارقىلى ولشەم بىرلىگىن قامتاماسىز ەتۋگە باعىتتالعان»، - دەدى داۋرەن سارسەنبايەۆ.
الماتى قالاسى جانە الماتى وبلىسى بويىنشا فيليال الماتى قالاسى، الماتى وبلىسى جانە جەتىسۋ وبلىسى بويىنشا ستاندارتتاۋ جانە مەترولوگيا سالاسىنداعى ساياساتتى ىسكە اسىرادى، سونداي-اق ەلدىڭ بۇكىل وڭتۇستىك ءوڭىرىن قامتيدى.
وكق سپيكەرى «قازستاندارت» رمك الماتى قالاسى مەن الماتى وبلىسى بويىنشا فيليالىندا قازىرگى ۋاقىتتا فيليالعا جۇكتەلگەن جۇمىستاردىڭ ۇلكەن كولەمىن ورىندايتىن 18 مامان جۇمىس ىستەيتىنىن اتاپ ءوتتى. ولشەۋدىڭ 10 ءتۇرى بويىنشا اككرەديتتەلگەن ەكى زەرتحانا بار – سالىستىرىپ تەكسەرۋ جانە كاليبرلەۋ زەرتحانالارى، ولار قازاقستان رەسپۋبليكاسىندا ولشەم بىرلىكتەرىنىڭ ولشەمدەرىن اككرەديتتەلگەن سالىستىرىپ تەكسەرۋ جانە كاليبرلەۋ زەرتحانالارىنا بەرۋ، سونداي-اق دالدىگى جوعارى ولشەۋ قۇرالدارى ءۇشىن شاما بىرلىكتەرىن بەرۋ ارقىلى ولشەم قاداعالانۋىن جۇزەگە اسىرادى.
مەترولوگيا قۇرالدارىن قولدانۋ (ولشەۋ ناتيجەلەرىن تانۋ ءۇشىن تەكسەرۋ، كاليبرلەۋ، قاداعالاۋ) اقاۋلى ءونىمدى شىعارۋعا بايلانىستى قارجىلىق شىعىنداردىڭ ازايۋىنا اسەر ەتەدى، بۇل ءونىمنىڭ ساپاسىن جاقسارتادى جانە ونىڭ وزىندىك قۇنىن تومەندەتەدى.
«بۇل ارەكەتتەردىڭ بارلىعى وتاندىق ءونىمنىڭ باسەكەگە قابىلەتتىلىگىن ارتتىرادى، ساۋدا قاتىناستارىن كەڭەيتەدى، ساۋداداعى تەحنيكالىق كەدەرگىلەردى جويادى جانە الەمدىك نارىققا ەركىن ەكسپورتقا شىعۋعا ىقپال ەتەدى»، - دەپ ءتۇسىندىردى داۋرەن سارسەنبايەۆ.
ق ر «ستاندارتتاۋ تۋرالى» زاڭىنا سايكەس جىل سايىن ستاندارتتاۋ جونىندەگى ۇلتتىق جوسپار جاسالادى.
ستاندارتتاۋدىڭ ۇلتتىق جوسپارىن ستاندارتتاۋ جونىندەگى ۇلتتىق ورگان قالىپتاستىرادى جانە ۇلتتىق ستاندارتتاۋ جۇيەسىن دامىتۋدىڭ ستراتەگيالىق ماقساتتارى مەن باعىتتارىن ەسكەرە وتىرىپ، ۋاكىلەتتى ورگان جىل سايىن بەكىتەدى.
قازىرگى ۋاقىتتا «كازستاندارت» سايتىندا 2025 جىلعا ارنالعان ۇلتتىق جوسپاردىڭ جوباسى ورنالاستىرىلعان، وعان 378 ستاندارت ەنگىزىلگەن. نەگىزگى باعىتتار: ونەركاسىپ، قۇرىلىس، قىزمەت كورسەتۋ، سيفرلاندىرۋ، مۇمكىندىگى شەكتەۋلى جاندارعا ارنالعان ستاندارتتار جانە ت.ب.
ستاندارتتاردىڭ جوبالارى ولاردى ازىرلەۋ، تالقىلاۋدى جوسپارلاۋ پروسەسىندە اشىق قول جەتىمدى. ءاربىر ازامات ءوز كوزقاراسىن بىلدىرە الادى جانە ءوز ۇستانىمىن ايتا الادى، ياعني بارلىق ستاندارتتار كونسەنسۋس نەگىزىندە قابىلدانادى.
ستاندارتتاۋ جانە مەترولوگيا سالاسىنداعى ماسەلەلەردى ءتۇسىندىرۋ بويىنشا وتاندىق وندىرۋشىلەردىڭ كەڭ اۋقىمى ءۇشىن فيليال ساپارلار، دوڭگەلەك ۇستەلدەر، وقىتۋ كۋرستارى مەن سەمينارلار ۇيىمداستىرادى، نورماتيۆتىك قۇجاتتاردى وزەكتەندىرۋ بويىنشا قىزمەتتەر كورسەتەدى.
اعىمداعى جىلدىڭ ءبىرىنشى جارتىجىلدىعىندا فيليال قىزمەتكەرلەرى ءوڭىردىڭ 38 كاسىپورنىنا باردى، 5 دوڭگەلەك ۇستەل وتكىزدى، 9 وقىتۋ كۋرستارى مەن سەمينارلار ۇيىمداستىرىلدى، 3597 نورماتيۆتىك قۇجاتتاردى وزەكتەندىرۋ جۇرگىزىلدى.
مۇگەدەكتىگى بار ادامدار ءۇشىن الەۋمەتتىك قورعاۋ شارالارىنىڭ ءتيىمدى جۇيەسىن قۇرۋ مەملەكەتتىڭ الەۋمەتتىك ساياساتىنىڭ باسىم باعىتتارىنىڭ ءبىرى بولىپ تابىلادى.
ينفراقۇرىلىم وبەكتىلەرى مەن قارجى ۇيىمدارى بولىمشەلەرىنىڭ مۇگەدەكتىگى بار ادامدارعا جانە حالىقتىڭ موبيلدىلىگى تومەن توپتارىنا قىزمەت كورسەتۋ، سونداي-اق ەستۋ قابىلەتى ناشار ادامدارعا ىمداۋ ءتىلى قىزمەتتەرىن ۇسىنۋ بويىنشا قولجەتىمدىلىگىن جاقسارتۋ ماقساتىندا اعىمداعى جىلدىڭ اقپان ايىندا الماتى قالاسىنىڭ وكپ الاڭىندا 2023 جىلى «قازستاندارت» رمك ازىرلەگەن جانە 2024 جىلعى 1 شىلدەدەن باستاپ كۇشىنە ەنەتىن ۇلتتىق ستاندارتتاردى ەنگىزۋ بويىنشا دوڭگەلەك ۇستەل وتكىزىلدى.
بۇل ستاندارتتار ينفراقۇرىلىم نىساندارىنىڭ قولجەتىمدىلىگىنەن جانە مۇمكىندىگى شەكتەۋلى كليەنتتەرگە قىزمەت كورسەتۋدىڭ ارنايى شارتتارىنان باستاپ لينگۆيستيكالىق قۇزىرەتتىلىككە، ءارتۇرلى ديالەكتىلەرگە جانە ىمداۋ ءتىلىنىڭ ستيلدەرىنە يە اۋدارماشىلارعا قويىلاتىن تالاپتارعا دەيىن ناقتى تالاپتاردى بەلگىلەيدى.
«ستاندارتتاۋ جانە مەترولوگيا ونىمدەردىڭ، جۇمىستار مەن قىزمەتتەردىڭ ساپاسىن قامتاماسىز ەتۋ قۇرالى بولىپ تابىلادى – كوپ قىرلى كوممەرسيالىق، قوعامدىق جانە ساياسي قىزمەتتىڭ ماڭىزدى اسپەكتىسى»، – دەپ اتاپ ءوتتى داۋرەن سارسەنبايەۆ.