الماتىدا سپورتتىڭ ءۇش تۇرىنەن وتكەن كوكتەمگى ليگا ءوز مارەسىنە جەتتى

2025 جىلعى 19 ءساۋىرى مەن 1 ماۋسىم ارالىعىندا الماتىدا ستۋدەنتتىك ليگانىڭ ىرىكتەۋ كەزەڭى ءوتتى. قالا اكىمدىگىنىڭ قولداۋىمەن وتكەن سپورتىق جارىستارعا مەگاپوليستەگى 35 جوعارى وقۋ ورنىنان 500-دەن استام ستۋدەنت قاتىستى، دەپ حابارلايدى aqshamnews.kz

ىرىكتەۋ كەزەڭىنىڭ ناتيجەسىندە جينالعان ۇپاي سانىنا قاراي كوماندالار ا جانە B ديۆيزيوندارىنا ءبولىندى. ليگانىڭ تۇراقتى ماۋسىمى 2025 جىلدىڭ قىركۇيەگىندە باستالىپ، 2026 جىلدىڭ مامىرىنا دەيىن جالعاسادى. بارلىق ويىندار اينالمالى جۇيە بويىنشا وتەدى، بۇل بارلىق كوماندالارعا تۇراقتى ويىن تاجىريبەسىن قامتاماسىز ەتپەك.

فۋتبولدان ىرىكتەۋ كەزەڭىنىڭ جەڭىمپازدارى:

I ورىن — SDU University

II ورىن — «نۇر-مۇباراك» ۋنيۆەرسيتەتى

III ورىن — حالىقارالىق اقپاراتتىق تەحنولوگيالار ۋنيۆەرسيتەتى (حاتۋ)

ۆولەيبولدان بىلىكتىلىك كەزەڭىنىڭ جەڭىمپازدارى:

ەرلەر كوماندالارى

I ورىن — قازاق سپورت جانە تۋريزم اكادەمياسى

II ورىن — SDU University

III ورىن — ەنەرگەتيكا جانە بايلانىس ۋنيۆەرسيتەتى

ايەلدەر كوماندالارى

I ورىن — قازاق سپورت جانە تۋريزم اكادەمياسى

II ورىن — ءال-فارابي ۋنيۆەرسيتەتى

III ورىن — ساتبايەۆ ۋنيۆەرسيتەتى

باسكەتبولدان ىرىكتەۋ كەزەڭىنىڭ جەڭىمپازدارى:

ەرلەر كوماندالارى

I ورىن — Turan University

II ورىن — «IT Legion» حاتۋ

III ورىن — ءال-فارابي ۋنيۆەرسيتەتى

ايەلدەر كوماندالارى

I ورىن — قازاق سپورت جانە تۋريزم اكادەمياسى

II ورىن — ءال-فارابي ۋنيۆەرسيتەتى

III ورىن — قازاق ۇلتتىق قىزدار پەدەگوگيكالىق ۋنيۆەرسيتەتى

ءتۋرنيردىڭ جۇلدەگەرلەرى، سونداي-اق جەكە نوميناسيالار بويىنشا ۇزدىك ويىنشىلار كۋبوكتارمەن، مەدالدارمەن ماراپاتتالدى جانە اقشالاي سىيلىقتارعا يە بولدى.

–                        سپورتتىڭ ءۇش ءتۇرى بويىنشا ستۋدەنتتەر ليگاسىن قۇرۋ — الماتىدا جاستار سپورتىن دامىتۋداعى ماڭىزدى قادام. ءبىز ستۋدەنتتەر تاراپىنان ۇلكەن قىزىعۋشىلىقتى كورىپ وتىرمىز، سوندىقتان، ولاردىڭ سپورتتىق بيىكتەن كورىنۋلەرىنە بارلىق جاعدايدى جاسايتىن بولامىز، - دەدى الماتى قالاسى سپورت باسقارماسىنىڭ باسشىسى دارحان نۇرحان ۇلى.

ايتا كەتەيىك، بۇل قالا تاريحىندا بىردەن ءۇش تانىمال سپورت ءتۇرىن — فۋتبول، ۆولەيبول جانە باسكەتبولدى بىرىكتىرگەن العاشقى ستۋدەنتتەر ليگاسى. جاڭا جوبا جاستار اراسىندا بۇقارالىق سپورتتى دامىتۋ بويىنشا اۋقىمدى باستاماعا اينالدى، ءارى ستۋدەنتتىك ورتادا سپورتتىق مادەنيەتتى نىعايتۋعا باعىتتالدى.

ىرىكتەۋ كەزەڭىندەگى ويىندار «جاس قىران» ستاديونىندا، بالۋان شولاق اتىنداعى سپورت سارايىندا، Champion سپورت كەشەنى سىندى قالانىڭ جەتەكشى سپورت الاڭدارىندا ءوتتى.

ستۋدەنتتەر ليگاسى جىل سايىن تۇراقتى تۇردە ۇيىمداستىرىلىپ، قالالىق سپورتتىق ءىس-شارالار كۇنتىزبەسىنە ەنەتىن بولادى.