سوتتىڭ شەشىمى بويىنشا الماتىدا ءىرى مەيرامحانا سۇرىلەدى، دەپ حابارلايدى almaty-akshamy.kz
قالا قۇرىلىسىن باقىلاۋ باسقارماسىنىڭ جوسپاردان تىس تەكسەرۋى بارىسىندا ناۋرىزباي اۋدانىنداعى اقجار شاعىن اۋدانىندا 68 مەيرامحانانىڭ رۇقسات قۇجاتتارىنسىز سالىنىپ جاتقانى انىقتالعان بولاتىن.
مەنشىك يەسىنە قاتىستى اقبتك-نىڭ 316-بابىنىڭ 1-بولىگى، 321، 463-بولىگى 1-بولىگى بويىنشا اكىمشىلىك شارالار قابىلداندى جانە انىقتالعان بۇزۋشىلىقتاردى جويۋ تۋرالى ۇسىنىس بەرىلدى. مەرزىم وتكەننەن كەيىن مەنشىك يەسى ۇسىنىم تالاپتارىن ورىندامادى جانە باسقارما الماتى قالاسىنىڭ مامانداندىرىلعان اۋدانارالىق ەكونوميكالىق سوتىنا زاڭسىز سالىنىپ جاتقان وبەكتىنى بۇزۋ تۋرالى تالاپ ارىز بەردى.
26.08.2022 جىلى سوت شەشىمىمەن تالاپ ارىز تولىق كولەمدە قاناعاتتاندىرىلدى، الايدا جاۋاپكەر اپەللياسيالىق شاعىم بەردى.
19.10.2022 جىلى قالالىق سوتتىڭ قاۋلىسىمەن ءبىرىنشى ينستانسياداعى سوتتىڭ شەشىمى وزگەرىسسىز قالدى.
2023 جىلدىڭ 13 ساۋىرىندە سوت ورىنداۋشىلارىنىڭ قاتىسۋىمەن نىسان سۇرىلە باستادى.
رابايەۆ مەدەت ەربولات ۇلى،
اۋەزوۆ جانە ناۋرىزباي اۋداندارى بويىنشا قالا قۇرىلىسىن باقىلاۋ ءبولىمىنىڭ باسشىسى
ارنۇر باقبەرگەن، سوت ورىنداۋشى