الماتى قالاسى بويىنشا قاج دەپارتامەنتىنىڭ №11 جانە №13 مەكەمەلەرىندە 1 جەلتوقسان –دۇنيەجۇزىلىك جيتس-كە قارسى كۇرەس كۇنىنە وراي جيتس ينفەكسياسىنىڭ تارالۋ جولدارى مەن ودان قالاي ساقتانۋ تۋرالى دارىستەر وتكىزىلدى.
مۇنداي ماڭىزدى ءىس-شارانى №11 مەكەمەدە «راۆنىي-راۆنومۋ» مەملەكەتتىك ەمەس ۇيىمىنىڭ جاسوسپىرىمدەرى وتكىزدى. ولار اتالعان اۋرۋدىڭ تارالۋىنا سەبەپ بولاتىن ناشاقورلىق تۋرالى دارىستەر وقىدى جانە شاعىن ساحنالىق قويىلىمدار كورسەتتى، دەپ حابارلايدى aqshamnews.kz Polisia.kz-كە سىلتەمە جاساپ.
ال جازاسىن وتەۋشى جاسوپىرىمدەر جيتس تاقىرىبىنا ارناپ سالعان قابىرعا گازەتتەرىن قورعاپ، سۋرەت مازمۇنىن جان-جاقتى ءتۇسىندىرىپ بەردى. № 13 مەكەمەدە الماتى قالاسى جيتس ورتالىعىنىڭ ماماندارى مەن №24 ەمحانانىڭ دارىگەرلەرى جەكە قۇرام مەن سوتتالعاندارعا قان ارقىلى بەرىلەتىن ينفەكسيالىق اۋرۋلار تۋرالى ءدارىس وقىپ، تولىق اقپاراتپەن قامتاماسىز ەتتى.