الماتى قالاسى بويىنشا قىلمىستىق-اتقارۋ جۇيەسى دەپارتامەنتى №13 مەكەمەسىندەگى سوتتالعاندار ارىز-شاعىمدارىن باس پروكۋراتۋرانىڭ اقپاراتتىق جۇيەسىمەن ينتەگراسيالانعان تەرمينالدارى ارقىلى ەلەكتروندى فورماتتا بەرە الادى، دەپ حابارلايدى Almaty-akshamy.kz Polisia.kz-كە سىلتەمە جاساپ.
جۋىردا الماتى قالاسى تۇركسىب اۋداندىق پروكۋراتۋراسىنىڭ وكىلدەرى اتالعان مەكەمە سوتتالعاندارىمەن كەزدەسۋ وتكىزىپ، ولارعا ارىز-شاعىمداردى كەدەرگىسىز بەرۋ جانە ونلاين زاڭگەرلىك كەڭەستەر الۋ الگوريتمىن ءتۇسىندىردى.
«الماتى قالاسى بويىنشا قاجد-عا قاراستى №13 مەكەمەسى - قاۋىپسىزدىگى تومەن مەكەمە. مۇندا سوتتالعانداردى ۇستاۋ ءتارتىبى ارنايى زاڭ بويىنشا بەكىتىلگەن. ارىز-شاعىمدى ەلەكتروندى تۇردە تەرمينال ارقىلى بەرۋ بۇرىننان قولدانىلىپ كەلە جاتقان ءادىس. ال مەكەمەگە جاڭادان كەلگەن سوتتالعاندارعا جوعارىداعىداي ءتۇسىندىرۋ جۇمىستارى ۇدايى جۇرگىزىلىپ وتىرادى»، – دەيدى الماتى قالاسى بويىنشا قاجد-عا قاراستى №13 مەكەمەسىنىڭ باستىعى ە.جەكەنوۆ.
قىلمىستىق-اتقارۋ جۇيەسىنە سيفرلىق تەحنولوگيالاردى ەنگىزۋدىڭ وزەكتىلىگىن ارتتىرۋ ماقساتىندا ۇيىمداستىرىلعان كەزدەسۋ كەزىندە تەرمينالدارمەن جۇمىس ىستەۋ بارىسىندا تۋىندايتىن پروبلەمالىق ماسەلەلەر دە تالقىلانىپ، سوتتالعاندار تەرمينالداردىڭ جۇمىسىن جاقسارتۋ بويىنشا ءوز ۇسىنىستارىمەن ءبولىستى.