الماتى قالاسىنىڭ اكىمى ەربولات دوسايەۆتىڭ تاپسىرماسى بويىنشا تۇرعىنداردىڭ كوپتەگەن وتىنىشتەرىنە بايلانىستى شۇعىلا شاعىناۋدانى، بايتەلى باتىر كوشەسى، 24 مەكەنجايىنداعى زاڭسىز تۇرعىزىلعان 12 قاباتتى تۇرعىن ءۇيدى بۇزۋ ماسەلەسى كوتەرىلدى، دەپ حابارلايدى اlmaty-akshamy.kz.
ناتيجەسىندە الماتى قالالىق سوتىنىڭ شەشىمىمەن الماتى قالاسىنىڭ قالا قۇرىلىسىن باقىلاۋ باسقارماسىنىڭ تالاپ ارىزى قاناعاتتاندىرىلىپ، سوت اتالعان نىساندى بۇزۋ تۋرالى شەشىم شىعاردى. عيماراتتى بۇزۋ 1 شىلدەدە سوت ورىنداۋشىلارىنىڭ قاتىسۋىمەن باستالدى.
بۇعان دەيىن قالا قۇرىلىسىن باقىلاۋ باسقارماسى نىساندا تەكسەرۋ جۇرگىزىپ، ساۋلەت، قالا قۇرىلىسى جانە قۇرىلىس قىزمەتى سالاسىندا ءبىرقاتار زاڭ بۇزۋشىلىقتاردى انىقتاعان بولاتىن. سالۋشىعا قاتىستى اكىمشىلىك حاتتامالار جاسالىپ، ەسكەرتۋلەردى جويۋ تۋرالى ۇيعارىم شىعارىلدى.
الماتى قالاسىنىڭ مامانداندىرىلعان اۋدانارالىق ەكونوميكالىق سوت باسقارماسى دا «Aرت-تەحنوسس» جشس-نا زاڭسىز سالىنعان نىساندى بۇزۋ تۋرالى تالاپ ارىزىن قوزعادى.
2021 جىلعى 9 جەلتوقسانداعى سوت شەشىمىمەن تالاپ ارىز قاناعاتتاندىرۋسىز قالدىرىلدى. وسىدان كەيىن قالا قۇرىلىسىن باقىلاۋ باسقارماسى الماتى قالالىق سوتىنا اپەللياسيالىق شاعىم ءتۇسىردى: تالاپ ارىز قاناعاتتاندىرىلدى.