جاندوسوۆ كوشەسى، 78ا مەكەنجايىندا ورنالاسقان جازعى تەرراساسى بار كۋليناريا نىسانى سوت شەشىمىمەن زاڭسىز دەپ تانىلدى. بۇل تۋرالى الماتى قالاسىنىڭ قۇرىلىس باقىلاۋ باسقارماسى حابارلادى.
بۇعان دەيىن جۇرگىزىلگەن جوسپاردان تىس تەكسەرۋ ناتيجەسىندە «Biens Immobiliers» ج ش س نىساندى رۇقسات بەرۋ قۇجاتتارىنسىز سالعانى انىقتالدى.
مەنشىك يەسىنە قاتىستى اكىمشىلىك شارالار قابىلدانىپ، انىقتالعان زاڭبۇزۋشىلىقتاردى جويۋ تۋرالى نۇسقاما بەرىلدى.
2025 جىلدىڭ 25 اقپانىندا نۇسقاما تالاپتارىنىڭ ورىندالماۋىنا بايلانىستى نىساندى بۇزۋ تۋرالى تالاپ-ارىز الماتى قالاسىنىڭ مامانداندىرىلعان اۋدانارالىق ەكونوميكالىق سوتىنا جولداندى.
2025 جىلدىڭ 29 مامىرىندا سوت باسقارمانىڭ تالاپ-ارىزىن تولىق كولەمدە قاناعاتتاندىردى. نىساندى ءماجبۇرلى تۇردە بۇزۋ شاراسى سوت ورىنداۋشىلارىنىڭ قاتىسۋىمەن كەشە جۇزەگە اسىرىلدى.