جۇرگىزۋشىلەرگە وقيعا ورنىندا مەديسينالىق كومەك كورسەتىلدى.
الماتىدا جول اپاتى سالدارىنان كولىك جەكەمەنشىك ءۇي قورشاۋىنا شىعىپ كەتتى، دەپ حابارلايدى Almaty-akshamy.kz.
وقيعا كەشە تۇندە تۇركسىب اۋدانىندا بولعان. جەلىدە وقيعا ورنىنان تۇسىرىلگەن ۆيدەو پايدا بولدى.
پوليسيا دەپارتامەنتى باسپا ءسوز قىزمەتىنىڭ مالىمەتىنشە، ساعات 22.50 شاماسىندا Honda ماركالى اۆتوكولىگىن تىزگىندەگەن 2002 جىلى تۋعان ك. ەسىمدى ەر ادام ەنيسەيسكايا كوشەسىمەن شىعىس باعىتتا كەلە جاتقان.
«پاپانين كوشەسى قيىلىسىندا 2.5 جول بەلگىسى تالابىن ورىنداماي، پاپانين كوشەسىمەن وڭتۇستىك باعىتتا كەلە جاتقان د. تىزگەندەگەن Mitsubishi اۆتوكولىگىمەن سوقتىعىسقان. جول-كولىك وقيعاسى ناتيجەسىندە ەكى كولىك تە زاقىمدانعان»، - دەدى الماتى پد وكىلدەرى.
«ولار اۋرۋحاناعا جاتۋدان باس تارتتى. ماتەريالداردى تۇركسىب اۋدانى پوليسيا ءبولىمىنىڭ قىزمەتكەرلەرى وندىرىسكە الدى»، - دەدى الماتى پوليسيا دەپارتامەنتىنىڭ باسپا ءسوز قىزمەتىندەگىلەر.