پسيحوتروپتىق - «مەفەدرون»
الماتى قالاسىنىڭ 27 جاستاعى تۇرعىنىنان پسيحوتروپتىق زاتى بار 23 وقشاۋلانعان بايلام تاركىلەندى، دەپ حابارلايدى Almaty-akshamy.kz قالالىق پوليسيا دەپارتامەنتى باسپا ءسوز قىزمەتىنە سىلتەمە جاساپ.
«سوت-حيميالىق ساراپتامانىڭ قورىتىندىسىنا سايكەس، تاركىلەنگەن زاتتار پسيحوتروپتىق - «مەفەدرون» بولىپ تابىلادى. پاترۋلدىك پوليسيا ينسپەكتورلارى تۇركىستان وبلىسىنىڭ تۋماسىن ۇستادى. ول وسى 23 دوزانى ءبىزدىڭ اۋدانعا تاراتۋدى جوسپارلاعانى انىقتالدى. پاترۋلدىك پوليسيا قىزمەتكەرلەرى تىيىم سالىنعان پرەپاراتتار بار-جوعىن سۇراعاندا، ەر ادام قولىندا ەسىرتكى بايلامدارى بار ەكەنىن بىردەن مويىندادى. تۇرعىلىقتى مەكەنجايىن ءتىنتۋ كەزىندە ەسىرتكىسى بار وراۋسىز بايلام مەن ءىرى كولەمدەگى اقشا تابىلدى جانە تاركىلەندى. ق ر قپك-تىڭ 128 بابىنا سايكەس ق ر قك-نىڭ 297 بابى 3 بولىگىنىڭ 1،3-تارماعىندا كوزدەلگەن قىلمىستىق قۇقىق بۇزۋشىلىقتى جاسادى دەگەن كۇدىككە ىلىنگەن ادام ۋاقىتشا ۇستاۋ يزولياتورىنا قامالدى»، - دەدى، اۋەزوۆ اۋداندىق پوليسيا باسقارماسىنىڭ باستىعى، پوليسيا پودپولكوۆنيگى ۇلان ءابىلقايىر.
ادامدار توبىنىڭ الدىن الا كەلىسىم بويىنشا اسا ءىرى مولشەردە پسيحوتروپتىق زاتتاردى زاڭسىز يەمدەنۋى، ساقتاعانى جانە وتكىزگەنى ءۇشىن مۇلكى تاركىلەنىپ، ون جىلدان ون بەس جىلعا دەيىنگى مەرزىمگە باس بوستاندىعىنان ايىرۋ تۇرىندەگى جازا كوزدەلگەن.