الماتىدا سينتەتيكالىق ەسىرتكى ساتتى دەگەن كۇدىككە ىلىنگەن ەرلى-زايىپتىلار ۇستالدى

الماتى قالالىق پد ەسىرتكى قىلمىسىنا قارسى كۇرەس باسقارماسىنىڭ قىزمەتكەرلەرى جەدەل ءىس-شارالاردىڭ ناتيجەسىندە ەكى كۇدىكتى – ەرلى-زايىپتىلاردى ۇستادى.

 ولار ەسىرتكىنى زاڭسىز تاراتۋمەن اينالىسقان، دەپ حابارلايدى aqshamnews.kz 

Polisia.kz  مالىمەتىنشە، ەسىرتكى نۇرشاشقان شاعىن اۋدانىندا تاركىلەندى. كەيىن تۇرعىن ءۇيدى ءتىنتۋ كەزىندە ۇستالعان ادامداردان سينتەتيكالىق ەسىرتكى، وراۋ ماتەريالدارى، ەلەكتروندى تارازىلار مەن كريپتوقۇرىلعىلار تابىلدى.

 — وكىنىشكە قاراي، بۇگىندە جاستار، سونىڭ ىشىندە ەرلى-زايىپتىلار ەسىرتكى تاراتۋعا كوبىرەك تارتىلۋدا. ولار جاسىرىن ينتەرنەت-ارنالار ارقىلى ۇيىمداستىرىلعان كولەڭكەلى نارىقتىڭ ءبىر بولىگىنە اينالۋدا. ءبىز مۇنداي تىزبەكتەردى توقتاتۋعا جانە بارلىق قاتىسۋشىلاردى جاۋاپكەرشىلىككە تارتۋعا بار كۇش-جىگەرىمىزدى سالىپ جاتىرمىز، - دەدى الماتى قالالىق پد ەسىرتكى قىلمىسىنا قارسى كۇرەس باسقارماسىنىڭ باستىعى مۇرات جۇمابايەۆ.

سپيكەردىڭ ايتۋىنشا، اتالعان دەرەك بويىنشا ق ر قك-نىڭ 297-بابى 2-بولىگىنە سايكەس قىلمىستىق ءىس قوزعالدى. كۇدىكتىلەر ۋاقىتشا ۇستاۋ يزولياتورىنا قامالدى. سوتقا دەيىنگى تەرگەۋ جالعاسۋدا.