ۇلتتىق قاۋىپسىزدىك كوميتەتىنىڭ الماتى قالاسى بويىنشا دەپارتامەنتى اسا ءىرى كولەمدە سينتەتيكالىق ەسىرتكىنى ءوندىرۋ جانە تاراتۋ ارەكەتىنىڭ جولىن كەستى، دەپ حابارلايدى Almaty-akshamy.kz ق ر ۇقك باسپا ءسوز قىزمەتىنە سىلتەمە جاساپ.
2024 جىلعى 3 قاڭتاردا الماتى قالاسىنا جاقىن ورنالاسقان جالعا الىنعان جەكە ۇيدە ەسىرتكىنى دايىنداۋ كەزىندەگى قىلمىس ۇستىندە جەدەل قىزمەتكەرلەر ەكى شەتەلدىك ازاماتتى ۇستادى.ءتىنتۋ بارىسىندا زاڭسىز اينالىمنان 30 كگ «الفا-PVP» پسيحوتروپتى زاتىنىڭ دايىن ءونىمى، سونداي-اق 5.5 توننادان استام پرەكۋرسورلار الىندى.
قولدا بار مالىمەتتەر بويىنشا ەسىرتكىلەر ينتەرنەت ارقىلى ساتۋ جولىمەن قازاقستاندا تاراتىلۋعا ارنالعان.
سوت شەشىمىمەن كۇدىكتىلەرگە قاماۋدا ۇستاۋ تۇرىندەگى بۇلتارتپاۋ شاراسى تاعايىندالىپ، سوتقا دەيىنگى تەرگەپ-تەكسەرۋ جۇرگىزىلۋدە.
