الماتىدا شوب سۋبەكتىلەرى اراسىندا جاڭا جىلدىق ۇزدىك بەزەندىرۋگە ارنالعان بايقاۋ ءوتىپ جاتىر

الماتى قالاسىنىڭ كاسىپكەرلىك جانە ينۆەستيسيالار باسقارماسى شاعىن جانە ورتا بيزنەس وكىلدەرى اراسىندا قاسبەتتەر مەن ولارعا ىرگەلەس اۋماقتاردى ۇزدىك جاڭا جىلدىق بەزەندىرۋگە ارنالعان بايقاۋدىڭ باستالعانىن جاريالايدى، دەپ حابارلايدى aqshamnews.kz

قاتىسۋعا دۇكەندەردىڭ، قوعامدىق تاماقتانۋ ورىندارىنىڭ، قىزمەت كورسەتۋ سالاسى نىساندارىنىڭ يەلەرى مەن الماتىنىڭ باسقا دا شاعىن جانە ورتا بيزنەس وكىلدەرى شاقىرىلادى.

وتكىزۋ مەرزىمى: 26 جەلتوقساننان 13 قاڭتارعا دەيىن. بايقاۋ قورىتىندىسى 2025 جىلدىڭ 14 قاڭتارىندا شىعارىلادى. بايقاۋدىڭ كوميسسيا قۇرامىنا الماتى قالاسى قوعامدىق كەڭەسىنىڭ مۇشەلەرى، سالالىق قاۋىمداستىقتاردىڭ وكىلدەرى مەن ساراپشىلار كىرەدى.

جەڭىمپازدار ءتورت نوميناسيا بويىنشا انىقتالادى:

1. ازىق-تۇلىك دۇكەنىن ۇزدىك بەزەندىرۋ – 1 ملن. تەڭگە كولەمىندەگى جۇلدە؛

2. ازىق-تۇلىك ەمەس دۇكەندى ۇزدىك بەزەندىرۋ – 1 ملن. تەڭگە كولەمىندەگى جۇلدە؛

3. قوعامدىق تاماقتانۋ سالاسىنداعى نىساندى ۇزدىك بەزەندىرۋ – 1 ملن. تەڭگە مولشەرىندە جۇلدە؛

4. قىزمەت كورسەتۋ سالاسىنداعى نىساننىڭ ۇزدىك بەزەندىرىلۋى – 1 ملن. تەڭگە كولەمىندەگى جۇلدە.

باس جۇلدە يەگەرى 2 ملن. تەڭگە كولەمىندە سىيلىق الادى.

بيزنەس نىساندارىن ۇزدىك جاڭا جىلدىق بەزەندىرۋگە ارنالعان بايقاۋ اقشالاي سىيلىق الۋ مۇمكىندىگى عانا ەمەس، بۇل جاڭا جىلدىق ماۋسىمدا قالانى جارقىن، جايلى ءارى تارتىمدى ەتۋ مۇمكىندىگى. كاسىپكەرلەردىڭ اتسالىسۋى الماتى تۇرعىندارى مەن قوناقتارىنا مەرەكەلىك كوڭىل-كۇي سىيلايدى.

بايقاۋعا قاتىسۋ ءۇشىن الماتى قالاسىنىڭ كاسىپكەرلىك جانە ينۆەستيسيالار باسقارماسىنا ءوتىنىم بەرۋ قاجەت. وتىنىمدەر ەلەكتروندىق پوشتا ارقىلى قابىلدانادى info@almaty.upp.kz وسى جىلدىڭ 31 جەلتوقسانىنا دەيىن قابىلدانادى. وتىنىمگە بايقاۋعا قاتىسۋشىعا جانە ونىڭ بايقاۋعا ۇسىنىلاتىن نىسانىنا مىنەزدەمە، بايقاۋعا قاتىسۋشىنىڭ «دەربەس دەرەكتەر تۋرالى» ق ر زاڭىنا سايكەس دەربەس دەرەكتەردى وڭدەۋگە كەلىسىمى قوسا بەرىلەدى. تولىق اقپاراتتى مىنا تەلەفون ءنومىرى ارقىلى الۋعا بولادى: +7 747 671 59 96.