بۇگىن قازاقستانعا اكەلىنگەن شەتەلدىك اۆتوكولىكتەردى زاڭداستىرۋ باستالدى.
الماتىدا شەتەلدىك كولىكتەردى زاڭداستىرۋ جۇمىستارى قالاي جۇرەتىنى تۋرالى «ازاماتتارعا ارنالعان ۇكىمەت» مەملەكەتتىك كورپوراسياسى الماتى قالاسى فيليالىندا ءمالىم ەتتى، دەپ حابارلايدى Almaty-akshamy.kz قازاقپاراتقا سىلتەمە جاساپ.
ۆەدومستۆونىڭ مالىمەتىنشە، الماتىدا بۇگىن ساعات 12.00-گە دەيىن شەتەلدىك كولىكتەردى زاڭداستىرۋعا – ەۇپ (ەلەكتروندى ۇكىمەت پورتالى) ارقىلى 84 ادام جۇگىندى، قابىلدانعان قۇجاتتار سانى 59، 12 ءوتىنىم ءىىم-نىڭ وڭدەۋ ساتىسىندا، قالعان 37 ءوتىنىم ماقۇلداۋ ساتىسىندا.
«زاڭداستىرۋ بويىنشا ءوتىنىمدى ە-gov.kz ەلەكتروندى ۇكىمەت پورتالى نەمەسە ەكىنشى دەڭگەيلى بانكتەردىڭ قوسىمشالارى ارقىلى بەرۋگە بولادى. ال ۇيدەن ءوتىنىم بەرۋ مۇمكىندىگى جوقتار كەز-كەلگەن حقو-نىڭ وزىنە ءوزى قىزمەت كورسەتۋ سەكتورلارى ارقىلى بەرۋگە بولادى. وزىمەن بىرگە جەكە كۋالىگى، كولىك قۇرالىنىڭ پاسپورتى نەمەسە تىركەۋ تۋرالى كۋالىك، كولىك قۇرالىنا مەنشىك قۇقىعىن راستايتىن قۇجات بولۋى ءتيىس. وتىنىمدە اۆتوكولىكتىڭ تىركەۋ دەرەكتەرى قاتەسىز تولتىرىلۋى قاجەت»، - دەيدى «ازاماتتارعا ارنالعان ۇكىمەت» مەملەكەتتىك كورپوراسياسى الماتى قالاسى فيليالىنىڭ PR-مەنەدجەرى جاڭىل اپەتوۆا.
ءوتىنىمدى ىشكى ىستەر مينيسترلىگى قارايدى. ناتيجەسى ارنايى بازاعا تىركەلەدى جانە كولىك يەسىنىڭ تەلەفونىنا 1414 نومىرىنەن حابارلاما جىبەرىلەدى.
«كولىك يەلەرىنىڭ وتىنىشىنە باس تارتۋ كەلىپ جاتسا، محقو-عا بارۋدىڭ قاجەتى جوق، سەبەبىن ءبىلۋ ءۇشىن تىكەلەي مەملەكەتتىك ورگانعا حابارلاسۋى كەرەك. ال ءوتىنىشى قابىلدانعان بولسا، اۆتوكولىكتى تەكسەرۋ ءۇشىن محقو-عا ونلاين كەزەككە تۇرۋ قاجەت. ول ءۇشىن مارتەبە پاراعىندا «كەزەككە تۇرۋ» باتىرماسىن باسىپ، الماتى قالاسىنداعى 4 محقو-نىڭ ءبىرىن تاڭداپ، سونىڭدا كۇنى مەن ۋاقىتىن بەلگىلەۋ كەرەك. بەلگىلەنگەن ۋاقىتتان 20 مينۋت بۇرىن اۆتوكولىكتى محو-نىن تەكسەرۋ پۋنكتىنە نومىرلىك اگرەگاتتاردى سالىستىرۋ ءۇشىن اكەلۋ قاجەت. تالوندى تەكسەرۋ پۋنكتىندە نەمەسە «حقو» ءموبيلدى قوسىمشاسى ارقىلى الۋعا بولادى. اۆتوكولىكتى تىركەۋ ءۇشىن محو-عا بارىپ، كولىككە مەنشىك قۇقىعىن راستايتىن قۇجاتتىڭ ءتۇپنۇسقاسىن جانە كولىكتىڭ شەتەلدىك تەحنيكالىك پاسپورتتىن تاپسىرۋ كاجەت. الدىن الا ونلاين كەزەككە تۇرماعان جاعدايدا، ازاماتتارعا قىزمەت كورسەتىلمەيدى»، - دەدى جاڭىل اپەتوۆا.
شەتەلدىك كولىكتەردى زاڭداستىرۋ شارالارىن الماتى قالاسىنداعى كەلەسى محقو-لار جۇزەگە اسىرادى:
№1 مامانداندىرىلعان حقو - .سايالى ش / ا، اققاينار كوشەسى، 1
№2 مامانداندىرىلعان حقو - مايلين كوشەسى، 85
№5 مامانداندىرىلعان حقو - قۇلجا داڭعىلى، 9ك
№ 6 مامانداندىرىلعان حقو – كەمەل ش / ا.، اقسۋات كوشەسى، 118.
ەسكە سالايىق، بۇگىن الماتىلىق 39 جاستاعى سەيىلبەك ولجابەكوۆ بۇگىن 2019 جىلى ارمەنيادان اكەلىنگەن اۆتوكولىگىن تىركەدى.
فوتو: «ازاماتتارعا ارنالعان ۇكىمەت» مەملەكەتتىك كورپوراسياسى الماتى قالاسى فيليالى باسپا ءسوز قىزمەتى