18 ساۋىردە الماتى قالاسى اۋەجايىنداعى جەلىلىك پوليسيا بولىمىنە Lufthansa اۋەكومپانياسىنىڭ “فرانكفۋرت – الماتى” باعىتىنداعى رەيسىمەن كەلگەن 43 جاستاعى گەرمانيا ازاماتى شاعىمدانىپ كەلدى.
ول ءوزىن اۋەجايدان قوناقۇيگە قاساقانا جوعارى باعامەن، ياعني 45 مىڭ تەڭگەگە جەتكىزگەن تاكسي جۇرگىزۋشىسىنە قاتىستى شارا قولدانۋدى سۇراعان. كولىك پوليسەيلەرى جەدەل ىزدەستىرۋ ءىس-شارالارىن جۇرگىزۋ بارىسىندا الماتى قالاسىنىڭ 45 جاستاعى تۇرعىنىن، جەكە تاكسي جۇرگىزۋشىسىن انىقتادى، دەپ حابارلايدى Almaty-akshamy.kz Polisia.kz-كە سىللتەمە جاساپ
ەر ادام گەرمانيالىق ازاماتقا قوعامدىق ورىنداردا ءتيىسىپ، ارباپ، وعان تاكسي قىزمەتىن ۇسىنىپ، الماتى قالاسىنىڭ حالىقارالىق اۋەجايىنان قالاداعى قونايەۆ كوشەسىندە ورنالاسقان قوناقۇيگە اپارعانى ءۇشىن جوعارى تولەم العان.
تاكسي جۇرگىزۋشىسى كەلتىرگەن شىعىندى وتەدى. قۇقىق بۇزۋشى ق ر اقبتك-نىڭ 449-بابىنىڭ 1-بولىگى (قوعامدىق ورىنداردا ءتيىسۋ) بويىنشا اكىمشىلىك جاۋاپكەرشىلىككە تارتىلدى. گەرمانيالىق ازامات كولىك پوليسەيلەرىنە جوعارى كاسىبيلىك تانىتقاندارى جانە قاراجاتىن كەرى قايتارىپ الۋعا ۇلەس قوسقاندارى ءۇشىن العىسىن ايتتى.
ەسكە سالا كەتەيىك، اعىمداعى جىلدىڭ باسىنان بەرى ەلىمىزدىڭ اۋە جانە تەمىرجول كولىگى نىساندارىندا ءتۇرلى اكىمشىلىك قۇقىقبۇزۋشىلىقتار ءۇشىن 15 970 ازامات جاۋاپقا تارتىلدى. ونىڭ ىشىندە قوعامدىق ورىنداردا تيىسكەنى ءۇشىن 880 ازامات انىقتالعان. ونىڭ 243ء-ى – زاڭسىز تاكسي جۇرگىزۋشىلەرى.