«تاكسي جۇرگىزۋشى — زاڭسىز كەلۋشى» جەدەل الدىن الۋ ءىس-شاراسى بارىسىندا مايلين كوشەسىندە تانىمال رەسۋرسقا تىركەلىپ الىپ، جولاۋشى تاسىمالىمەن اينالىسقان 30 جاستاعى شەتەلدىك ازاماتتىڭ باسقارۋىنداعى Toyota اۆتوكولىگى توقتاتىلدى.
شىندىعىندا ونىڭ مۇنداي قۇقىعى جوق. شەتەل ازاماتىنا قاتىستى ق ر اقبتك-نىڭ 517-بابى 5 بولىگىنە سايكەس اكىمشىلىك قۇقىق بۇزۋشىلىق تۋرالى حاتتاما تولتىرىلدى، دەپ حابارلايدى aqshamnews.kz.
Polisia.kzء-تىڭ مالىمەتىنشە، ءىس ماتەريالدارى شەشىم قابىلداۋ ءۇشىن سوتقا جىبەرىلدى.
كولىك مامانداندىرىلعان ايىپپۇل تۇراعىنا قويىلدى. الماتىدا «تاكسي جۇرگىزۋشى — زاڭسىز كەلۋشى» ءىس-شاراسى اياقتالدى. بەس كۇن ىشىندە بارلىعى 190 شەتەلدىك اكىمشىلىك جاۋاپكەرشىلىككە تارتىلسا، ونىڭ 136-سى جەكە تاسىمالداۋمەن زاڭسىز اينالىسقان.
جەكە باسىن كۋالاندىراتىن قۇجاتتارىنىڭ بولماۋىنا بايلانىستى 85 شەتەل ازاماتى ءپد-نىڭ قابىلداپ-تاراتۋىنا ورنالاستىرىلدى. شەتەلدىك جۇمىس كۇشىن تارتۋ ەرەجەلەرىن بۇزعان 12 جۇمىس بەرۋشى اكىمشىلىك جاۋاپكەرشىلىككە تارتىلدى. قر-نىڭ كوشى-قون زاڭناماسىن بۇزعانى ءۇشىن 79 شەتەلدىك ەلدەن شىعارىلدى.