الماتىدا «ءبىز قالاي سويلەيمىز؟» كىتابىنىڭ تۇساۋكەسەرى ءوتتى

الماتى قالاسىنداعى ق ر ۇلتتىق كىتاپحاناسىندا بەلگىلى جۋرناليست، ق ر اقپارات سالاسىنىڭ ۇزدىگى، قازاقستان جۋرناليستەر وداعى سىيلىعىنىڭ لاۋرەاتى، «شالقار» راديوسىنىڭ قىزمەتكەرى وڭعار قۇرالدىڭ «ءبىز قالاي سويلەيمىز؟» اتتى كىتابىنىڭ تانىستىرىلىمى ءوتتى. ءىس-شاراعا عالىمدار، قوعام قايراتكەرلەرى، جازۋشىلار، جۋرناليستەر مەن ءتىل جاناشىرلارى قاتىستى، دەپ حابارلايدى aqshamnews.kz

كىتاپتىڭ وڭدەلىپ، تولىقتىرىلعان ەكىنشى باسىلىمىنا اۆتوردىڭ 2002-2005 جىلدارى قازاق راديوسى مەن "شالقار" راديوسىندا ەفيرگە شىققان «ءبىز قالاي سويلەيمىز؟» جانە 2011-2012 جىلدارداعى «ءتىل مادەنيەتى» اتتى باعدارلامالارىنىڭ ماتىندىك نۇسقالارى ەنگىزىلگەن.

بۇل ەڭبەك قازاق ءتىلىنىڭ تازالىعى، ساۋاتتى سويلەۋ مەن جازۋ، تەرميندەردى دۇرىس اۋدارۋ، ءسوز تىركەستەرىن ورىندى قولدانۋ سياقتى وزەكتى ماسەلەلەردى قامتيدى. اۆتور كۇندەلىكتى قولدانىلاتىن سوزدەرىمىزدىڭ دۇرىستىعى مەن بۇرىستىعىن سارالاپ، تىلگە قاتىستى كوكەيكەستى سۇراقتارعا جاۋاپ بەرەدى. سونىمەن قاتار، كىتاپتا ءتىل تاقىرىبىنا ارنالعان تانىمال تۇلعالاردىڭ وي-پىكىرلەرى مەن ناقتى دايەكتەرى ۇسىنىلعان.

«ءبىز قالاي سويلەيمىز؟» جيناعى ستۋدەنتتەر، مەكتەپ وقۋشىلارى، ۇستازدار، جۋرناليستەر مەن قازاق ءتىلىنىڭ بولاشاعىنا بەيجاي قارامايتىن وقىرماندار ءۇشىن اسا پايدالى قۇرال بولىپ تابىلادى. بۇل ەڭبەك ءتىلدى جەتىك مەڭگەرۋگە ۇمتىلعان جانە انا ءتىلىن ارداق تۇتاتىن بارشاعا باعىتتالعان.

كىتاپتىڭ باستى ماقساتى – ءتىل مادەنيەتىن دامىتۋعا ۇلەس قوسۋ، ساۋاتتى سويلەۋ مەن جازۋدىڭ ماڭىزدىلىعىن دارىپتەۋ، سونداي-اق انا تىلىنە دەگەن قۇرمەتتى ارتتىرۋ.