پوليسيا قىزمەتكەرلەرى ولاردىڭ ءبىرىن الماتىنىڭ تۇركسىب اۋدانىنداعى سەيفۋللين داڭعىلى بويىندا ۇستادى، دەپ حابارلايدى Almaty-akshamy.kz Polisia.kz-كە سىلتەمە جاساپ.
«26 جاستاعى ح. ەسىمدى ءازىربايجان ازاماتىنىڭ جولاۋشىلار تاسىمالىمەن زاڭسىز اينالىسقانى بەلگىلى بولدى. ال جەتىسۋ اۋدانىنىڭ ءتارتىپ ساقشىلارى ينتەرنەت قوسىمشاسى ارقىلى جەكە تاكسي جۇرگىزۋشىسى بولىپ جۇمىس ىستەپ جۇرگەن وزبەكستاننىڭ 45 جاستاعى ازاماتىن انىقتادى. ەكى شەتەلدىكتىڭ دە ارەكەتىنەن ق ر اقبتك-نىڭ 517-بابى 5-بولىگىمەن جانە ق ر اقبتك-نىڭ 519-بابى 1-بولىگىمەن كوزدەلگەن قۇقىق بۇزۋشىلىق بەلگىلەرى انىقتالدى. ىس-ماتەريالدارى شەشىم قابىلداۋ ءۇشىن الماتى قالاسى بويىنشا مامانداندىرىلعان اۋدانارالىق اكىمشىلىك سوتىنا جولداندى»، – دەدى الماتى قالالىق پد كوشى-قون قىزمەتى باسقارماسىنىڭ باستىعى اسحات بۋتۋنچينوۆ.
پوليسيا، 2-8 قازان ارالىعىندا قالادا “زاڭسىز كەلۋشى” رەسپۋبليكالىق جەدەل الدىن الۋ ءىس-شاراسى ءوتىپ جاتقانىن ەسكە سالدى. ماقسات – زاڭسىز جۇرگەن شەتەلدىكتەردى انىقتاۋ، سونداي-اق زاڭسىز كوشى-قون ارنالارىنىڭ جولىن كەسۋ.