الماتىدا شاعىن جانە ورتا كاسىپكەرلىكتى دامىتۋ ماقساتىندا قارجىلىق جانە قارجىلىق ەمەس قولداۋ تەتىكتەرىنىڭ كەڭ جيىنتىعى ىسكە قوسىلعان دەپ حابارلايدى almaty-akshamy.kz.
2022 جىلى مەملەكەتتىك جانە وڭىرلىك باعدارلامالار (بجك-2025، «قاراپايىم زاتتار ەكونوميكاسى»، اوك، «الماتى بيزنەس 2025»، «الماتى بيزنەس») اياسىندا بيزنەستى قولداۋعا 42،2 ملرد تەڭگە ءبولىندى، جالپى كرەديت سوماسى 8،3 ملرد تەڭگەگە 110-نان استام جوبا ماقۇلداندى.
قاڭتارداعى تارتىپسىزدىكتەر بارىسىندا زارداپ شەككەندەر ءۇشىن قارجىلاي ەمەس قولداۋ شارالارى رەتىندە شوب سۋبەكتىلەرىنە نەسيەلەر بويىنشا تولەمدەردى كەيىنگە قالدىرۋ، ءىرى ساۋدا وبەكتىلەرىندە جالعا الۋعا جەڭىلدىكتەر بەرىلدى، بەلگىلى ءبىر كەزەڭگە كوممۋنالدىق وبەكتىلەردە جالداۋ اقىسىن الۋ الىنىپ تاستالدى. «Almaty Business-2025» قالالىق باعدارلاماسىنا ءبىرقاتار وزگەرىستەر ەنگىزىلدى. زارداپ شەككەن كاسىپكەرلەرگە قارجىلىق قولداۋ كورسەتۋ بولىگىندە جىلدىق 2% مولشەرلەمەمەن (12 ايعا دەيىنگى مەرزىممەن 10 ملن تەڭگەگە دەيىن، كەپىلمەن جانە كەپىلدىكتى قامتاماسىز ەتۋ جەتكىلىكسىز بولعان جاعدايدا «الماتى «اكك» اق ءىشىنارا كەپىلدىگىمەن) جاڭا كرەديتتىك ءونىم ەنگىزىلدى، كەپىلسىز كرەديتتەۋ بويىنشا مولشەرلەمە 12%-دان 9%-عا دەيىن (سوماسى 6 ملن تەڭگەگە دەيىن كەپىلمەن قامتاماسىز ەتۋ مەرزىمى 24 ايعا دەيىن) تومەندەتىلدى، Almaty Finance جانە Almaty مقۇ قارىز الۋشىلارى ءۇشىن نەگىزگى قارىزدى وتەۋ بويىنشا مەرزىمىن كەيىنگە قالدىرۋ جانە ايىپپۇلدار مەن ءوسىمپۇلداردان 180 كۇنگە دەيىن بوساتۋ ۇسىنىلدى. اتالعان قولداۋ شارالارىن ىسكە اسىرۋعا جەرگىلىكتى بيۋدجەتتەن 6،3 ملرد تەڭگە ءبولىندى.
الەۋمەتتىك جوبالاردى قولداۋعا ەرەكشە كوڭىل بولىنەدى. 2021-2022 جىلدارى «الماتى» اكك» اق ينۆەستيسيالار سوماسى – 131 ملن.تەڭگە، 72 جۇمىس ورنىن قۇرۋمەن 9 جوبانى ىسكە اسىردى.
الماتىدا شوب ءۇشىن شاعىن وندىرىستىك پاركتەر دە بەلسەندى دامۋدا. بۇگىنگى تاڭدا 670 - تەن استام جۇمىس ورنىن قۇرۋمەن 8 وندىرىستىك پارك (ينۆەستيسيا سوماسى-4 ملرد.تەڭگە) ىسكە اسىرىلدى. وندىرىستىك پاركتەردە تاماق، جەڭىل، جيھاز جانە قۇرىلىس ونەركاسىبى سالالارىندا 53 كاسىپورىن ىسكە قوسىلدى. الماتى قالاسىنىڭ يندۋستريالدى ايماعىندا جالپى اۋدانى 76،5 مىڭ ش.م. تاعى 12 جاڭا وندىرىستىك پاركتىڭ قۇرىلىسى جۇرگىزىلۋدە، 2100-دەن استام جۇمىس ورنى اشىلادى. ينۆەستيسيا سوماسى 8،6 ملرد تەڭگەنى قۇرايدى.
بيزنەستى قولداۋ جانە دامىتۋ ماقساتىندا «Qoldaý» كاسىپكەرلىك ورتالىعى جۇمىس ىستەيدى، ول الماتى قالاسىنداعى شوب-كە «ءبىر تەرەزە» قاعيداتى بويىنشا كەڭەس بەرەدى. جىل باسىنان بەرى 28،3 مىڭنان استام كەڭەس بەرىلدى، 500 بيزنەس-جوسپار/جوبا ازىرلەندى، 475 ملن.تەڭگە سوماسىنا قارجىلاندىرۋعا دەيىن 17 جوباعا قولداۋ كورسەتىلدى،219 رۇقسات قۇجاتتارى الىندى، 2 589 تىڭداۋشى وقۋ كۋرسىنان ءوتتى.
انىقتاما: اعىمداعى جىلدىڭ العاشقى ءۇش ايىنىڭ قورىتىندىسى بويىنشا الماتى قالاسىندا جۇمىس ىستەپ تۇرعان شوب سۋبەكتىلەرىنىڭ سانى - 217 822، 2021 جىلدىڭ وسى كەزەڭىمەن سالىستىرعاندا 10،5%-عا ءوستى.