شاعىن فۋتبولدان قالالىق تۋرنير مۇحتار اۋەزوۆتىڭ 125 جىلدىق مەرەيتويىنا وراي وتكىزىلدى.
ماقساتى - جاستاردىڭ ەل تاريحى مەن مادەنيەتىنە دەگەن قىزىعۋشىلىعىن وياتۋ، سونداي-اق سالاۋاتتى ءومىر سالتىن ناسيحاتتاۋ، دەپ حابارلايدى Almaty-akshamy.kz.
وسى سپورتتىق ءىس-شارانىڭ ارقاسىندا ءبىز حالىق جازۋشىسى مۇحتار اۋەزوۆتىڭ ۇلى مۇراسىنا قۇرمەت كورسەتەمىز. مۇحتار اۋەزوۆ سپورتپەن بەلسەندى اينالىسىپ، قازاقستاننىڭ ءبىرىنشى فۋتبول قۇراماسىندا ونەر كورسەتكەنىن ايتا كەتكەن ءجون. بۇل - جاس ۇرپاققا ۇلگى.
تۋرنيرگە الماتى قالاسىنىڭ جوعارى وقۋ ورنىنان 16 كوماندا قاتىستى. ويىننىڭ قورىتىندىسى بويىنشا، 1-ورىندى اباي اتىنداعى قازاق ۇلتتىق پەداگوگيكالىق ۋنيۆەرسيتەتى، 2-ورىندى تۋران ۋنيۆەرسيتەتى، 3-ورىندى قازاق سپورت جانە تۋريزم اكادەمياسى يەلەندى. سونداي-اق، «ۇزدىك قورعاۋشى» اتالىمىمەن تيمۋر بەگالييەۆ (تۋران ۋنيۆەرسيتەتى)، «ۇزدىك شابۋىلشى» - ايدوس ماقاي (اباي اتىنداعى قازۇپۋ)، «ۇزدىك قاقپاشى» - بەگىمحان نارىمبەت (قازاق سپورت جانە تۋريزم اكادەمياسى) ماراپاتتالدى.
