الماتى قالاسىنىڭ سيفرلاندىرۋ باسقارماسى ءماسليحاتتىڭ قاراۋىنا «الماتى قالاسىنىڭ جول قوزعالىسىن تالداۋ جانە قاۋىپسىزدىكتى قامتاماسىز ەتۋدىڭ زياتكەرلىك جۇيەسى» («سەرگەك» مجك) جوباسى بويىنشا مەملەكەتتىك-جەكەشەلىك ارىپتەستىك شارتىن ۇزارتۋ تۋرالى شەشىم جوباسىن ەنگىزدى، - دەپ حابارلايدى Aqshamnews.kz.
بۇل تۋرالى دەپۋتاتتار الدىندا بايانداما جاساعان الماتى قالاسى سيفرلاندىرۋ باسقارماسى باسشىسىنىڭ مىندەتىن اتقارۋشى مەيرام ديۋسيۋكوۆ مالىمدەدى.
نەگىزگى تەزيستەر:
▪️ «سەرگەك» مجك جوباسى 2021 جىلدان بەرى ىسكە اسىرىلىپ كەلەدى.
شارت الماتى قالاسىنىڭ سيفرلاندىرۋ باسقارماسى، پوليسيا دەپارتامەنتى جانە «كوركەم تەلەكوم» ج ش س اراسىندا جاسالعان.
▪️ باستاپقىدا 766 اپپاراتتىق-باعدارلامالىق كەشەن ورناتۋ كوزدەلگەن.
مەملەكەتتىك مىندەتتەمەلەر كولەمى – 9،9 ملرد تەڭگە.
▪️ 2021 جىلدان بەرى 4 رەت قوسىمشا كەلىسىم جاسالىپ، كەشەندەر سانى 1641 اپك-عا دەيىن ۇلعايتىلدى.
▪️ قولدانىستاعى شارتتىڭ مەرزىمى 2025 جىلعى 31 جەلتوقساندا اياقتالادى.
وسىعان بايلانىستى قالا اكىمىنىڭ تاپسىرماسىمەن جۇمىس توبى قۇرىلدى.
▪️ جۇمىس توبى 4 الەۋەتتى جەتكىزۋشىنىڭ بالامالى ۇسىنىستارىن قارادى، سونىڭ ىشىندە:
– «سۋنكار»،
– «مەرگەن»،
– Presight AI Kazakhstan،
– «ازيمۋت» جۇيەلەرى،
سونداي-اق قولدانىستاعى سەرىكتەس – «كوركەم تەلەكوم» ۇسىنىسى.
▪️ ەكى ايلىق تالداۋ ناتيجەسىندە، كونكۋرس وتكىزۋگە ۋاقىتتىڭ بولماۋىنا بايلانىستى، شارتتى ءبىر جىلعا ۇزارتۋ ۇسىنىلدى.
ۇسىنىلىپ وتىرعان وزگەرىستەر:
- شارت مەرزىمىن ءبىر رەت قانا 2026 جىلعى 31 جەلتوقسانعا دەيىن ۇزارتۋ؛
- جەكە سەرىكتەس ەسەبىنەن قوسىمشا 350 «سەرگەك» كەشەنىن ورناتۋ؛
- قىزمەت كورسەتۋ ءتاريفى 2021 جىلعى دەڭگەيدە ساقتالادى، ءوسىم بولمايدى.
اتالعان وزگەرىستەر «مەملەكەتتىك-جەكەشەلىك ارىپتەستىك تۋرالى» زاڭ تالاپتارىنا تولىق سايكەس كەلەدى جانە جەكە سەرىكتەستىڭ قوسىمشا ينۆەستيسيا سالۋىن كوزدەيدى.
وسىعان بايلانىستى الماتى قالاسى ءماسليحاتىنىڭ 2021 جىلعى 30 ساۋىردەگى №35 شەشىمىنە وزگەرىس ەنگىزۋ تۋرالى شەشىم جوباسى قاراۋعا ۇسىنىلدى.