الەۋمەتتىك جەلىدە 2 تامىزدا الماتىدا سەل جۇرگەنى تۋرالى ۆيدەو جاريالاندى. بەينەدە تابيعي اپاتتىڭ الماتىدا بولعانىنىڭ "دالەلى" رەتىندە جازۋ مەن سەلدىڭ جۇرگەن ۋاقىتى عانا كورسەتىلگەن. الايدا بۇل - جالعان اقپارات، - دەپ حابارلايدى اqshamnews.kz Factcheck.kz-كە سىلتەمە جاساپ.
الماتى قالاسىنىڭ توتەنشە جاعدايلار دەپارتامەنتى ەشقانداي سەل جۇرگەنى تۋرالى حابارلامادى، تاراعان ۆيدەو قازاقستاندا ەمەس، كاباردين-بالقاريانىڭ (رەسەي) تىرنىاۋىز قالاسىندا تۇسىرىلگەن. ايماقتا سەل جۇرگەنى تۋرالى 31 شىلدەدە توتەنشە جاعدايلار مينيسترلىگىنىڭ وبلىستىق دەپارتامەنتى حابارلاعان.
"31 شىلدەدە كاباردين-بالقاريانىڭ ەلبرۋس اۋدانىندا، تىرنىاۋىز قالاسىندا گەرحوجان-سۋۋ وزەنىنىڭ بويىنا سەل ءجۇردى"، - دەپ حابارلادى توتەنشە جاعدايلار مينيسترلىگىنىڭ وبلىستىق دەپارتامەنتى. سەلدىڭ سەبەبى تاۋداعى نوسەر جاڭبىر ەكەنى ايتىلعان.
تاراعان ۆيدەو وسى اقپارات شىققان سوڭ رەسەيلىك تەلەگرام ارنالار مەن الەۋمەتتىك جەلىدگەنى پاراقشالاردا جاريالانا باستادى.
تاراعان ۆيدەودا كورىنەتىن عيماراتتاردان، مۇنىڭ تىرنىاۋىز قالاسىنداعى №3 جالپى ورتا ءبىلىم بەرەتىن مەكتەپ پەن تىرنىاۋىز قالاسىنىڭ ق.قۇلييەۆ اتىنداعى مادەنيەت سارايى ەكەنىن تابىلدى. كادردىڭ الدىڭعى جاعىندا جاسىل شاتىرلى عيمارات - مەكتەپ، ارتقى كادرداعى كولوننامەن سالىنعان عيمارات - مادەنيەت سارايى.
ەكى عيمارات تا ەلبرۋس داڭعىلىنىڭ بويىندا ورنالاسقان، ال ۆيدەوداعى سەل سول ەلبرۋس داڭعىلى مەن زاۆودسكايا كوشەسىنىڭ قيىلىسىندا بولعان.