كۋريل ارالدارىنىڭ ماڭىندا جويقىن جەر سىلكىنىسى بولدى، - دەپ حابارلايدى اqshamnews.kz.
جەراستى دۇمپۋلەرى 3 تامىزدا 05:37-دە (استانا ۋاقىتىمەن 11:37-دە) تىركەلدى. ەۋروپا-جەرورتا تەڭىزى سەيسمولوگيالىق ورتالىعىنىڭ مالىمەتىنشە، ءزىلزالانىڭ ماگنيتۋداسى 6،8-گە جەتكەن.
سەيسميكالىق وقيعا رەسەيدىڭ كامچاتكا ولكەسىندەگى پەتروپاۆل-كامچاتسكيي قالاسىنان شامامەن 270 شاقىرىم وڭتۇستىكتە جانە ساحالين وبلىسىنداعى سولتۇستىك-كۋريلسك ەلدى مەكەنىنەن 115 شاقىرىم شىعىستا بولعان.
الدىن الا مالىمەت بويىنشا، قيراۋ نەمەسە زارداپ شەككەندەر تۋرالى اقپارات تىركەلگەن جوق. سۋنامي ءقاۋپى جاريالانبادى.
ايتا كەتەيىك، 30 شىلدەدە كامچاتكادا 8،8 ماگنيتۋدالى جەر سىلكىنىسى بولعان. اقش گەولوگيالىق قىزمەتىنىڭ مالىمەتىنە سۇيەنسەك، بۇل ءدۇمپۋ اسپاپتىق باقىلاۋلار جۇرگىزىلە باستاعان ۋاقىتتان بەرى تىركەلگەن ەڭ قۋاتتى التى ءزىلزالانىڭ قاتارىنا كىرەدى. ول 2010 جىلعى چيليدەگى جانە 1906 جىلى ەكۆادور مەن كولۋمبيا اراسىنداعى جەر سىلكىنىستەرىمەن قاتار تۇر.