الماتىدا ءبىلىم باسقارماسى مەملەكەتتىك ساتىپ الۋ ءبولىمىنىڭ باسشىسى ۇستالدى.
ول بالالاردىڭ دەمالىسىن ۇيىمداستىرۋشىدان 12 ملن تەڭگە پارا الماق بولدى دەگەن كۇدىككە ىلىنگەن، دەپ حابارلايدى Almaty-akshamy.kz.
بۇل تۋرالى قالالىق سىبايلاس جەمقورلىققا قارسى ءىس-قيمىل اگەنتتىگى حابارلادى. پارا كومپانيانى كونكۋرس جەڭىمپازى دەپ تانۋ ءۇشىن بەرىلگەن. بالالار لاگەرىن ۇيىمداستىرۋ ءۇشىن قاجەتتى ماتەريالدىق نەمەسە ەڭبەك رەسۋرستارى جوق كومپانيا جەڭىمپاز دەپ تانىلعانى انىقتالدى. ءقازىر تەرگەۋ جالعاسۋدا.
ەسكە سالايىق، الماتى قالاسىنىڭ سىرتىنداعى بالالار لاگەرىنىڭ جۇمىسىنا ءبىر توپ اتا-انا نارازىلىق بىلدىرگەن بولاتىن.سەبەبى، بالالار دەمالاتىن ورىن ساۋنادا ورنالاسقان. پروكۋرورلار لاگەر جەتىم جانە اتا-اناسىنىڭ قامقورلىعىنسىز قالعان بالالارعا ارنالعان الماتى قالالىق ءبىلىم باسقارماسىنىڭ بيۋدجەتىنەن قارجىلاندىرىلعانىن انىقتاعان ەدى.