الماتىدا «ساۋداكەنت» بازارىنان ءورت شىقتى، دەپ حابارلايدى Almaty-akshamy.kz Inform.kz-كە سىلتەمە جاساپ.
الماتى قالالىق توتەنشە جاعدايلار دەپارتامەنتىنىڭ مالىمەتىنشە، 28 تامىزدا تۇنگى ساعات 02:09 شاماسىندا ءورت ءسوندىرۋ بريگاداسى جەتىسۋ اۋدانىنداعى، رايىمبەك داڭعىلى، 237 ب. «ساۋداكەنت» ساۋدا ورنىنا جوعارى دارەجەدەگى شاقىرتۋ بويىنشا جىبەرىلدى.
«العاشقى ءورت ءسوندىرۋ بولىمشەلەرى 6 مينۋتتا كەلگەن ساتتە، بازار اۋماعىندا ورنالاسقان 260 شارشى مەتر الاڭدا ءبىر قاباتتى ءدامحانا اشىق جالىنمەن جانىپ جاتقانى انىقتالدى. جاقىن ورنالاسقان قۇرىلىستارعا وتتىڭ تارالۋ ءقاۋپى جوعارى بولدى. اتقارىعان شارالار ناتيجەسىندە كورشى قۇرىلىستارعا ءورتتىڭ تارالۋىنا جول بەرىلمەدى. جالىن ساعات 02.39-دا وقشاۋلاندىرىلىپ، 02.44-تە تولىق ءسوندىرىلدى»، - دەپ حابارلادى قالالىق تجد باسپا ءسوز قىزمەتىنەن.
جالىندى سوندىرۋگە 16 تەحنيكا مەن جەكە قۇرامنان 47 ادام جۇمىلدىرىلدى.
ءورتتىڭ شىعۋ سەبەبى انىقتالىپ جاتىر. قازا بولعاندار مەن زارداپ شەككەندەر جوق.