Boxrec.com امەريكالىق دەمەتريۋس اندرادە (31-0، 19 كو) رەسمي تۇردە سۋپەرورتا سالماققا كەتكەننەن كەيىن ورتا سالماقتاعى ۇزدىك بوكسشىلاردىڭ رەيتينگىن جاڭارتتى، دەپ حابارلايدى Almaty-akshamy.kz Almaty.tv-گە سىلتەمە جاساپ.
ورتا سالماقتاعى BoxRec رەيتينگىنىڭ ۇزدىك وندىعىنا بىردەن قازاقستاننىڭ ءۇش بوكسشىسى كىردى: WBA Super، IBF جانە IBO چەمپيونى گەنناديي گولوۆكين (42-1-1، 37 كو)، WBO چەمپيونى جانىبەك ءالىمحان ۇلى (12-0، 8 كو) ) جانە WBO International چەمپيونى مەيىرىم نۇرسۇلتانوۆ (17-0، 10 كو). ورتا سالماقتاعىلار تىزىمىندە گولوۆكين ءبىرىنشى، ءالىمحان ۇلى سەگىزىنشى، نۇرسۇلتانوۆ توعىزىنشى ورىندا تۇر. باسقا ەلدەردەن تىزىمگە ءبىر بوكسشىدان ەنگەن: كىشى كريس يۋبەنك (32-2، 23 كو، ۇلىبريتانيا)، حايمە مۋنگيا (40-0، 32 كو، مەكسيكا)، كارلوس ادامەس (21-1، 16 كو، دومينيكان رەسپۋبليكاسى)، سەرگەي دەريەۆيانچەنكو (14-4، 10 كو، ۋكراينا)، مايكل زەرافا (30-4، 19 كو، اۆستراليا)، ەريسلاندي لارا (29-3-) 3، 17 كو، كۋبا / اقش)، ۆينسەنت فايگەنبۋتس (34-3، 30 كو، گەرمانيا).