الماتى قالاسىنىڭ ناۋرىزباي اۋدانىنداعى ءىرى ساۋدا ۇيلەرىندە تۇرعىنداردى ينتەرنەت-الاياقتىقتان ساقتاندىرۋ ماقساتىندا ارنايى ەسكەرتۋ ماكەتتەرى قويىلدى.
ولار بانكوماتتار مەن تولەم تەرمينالدارى ورنالاسقان اۋماقتارعا ورناتىلعان. مۇنداي شەشىم كەزدەيسوق قابىلدانعان جوق. سەبەبى ازاماتتار كوبىنە ءدال وسى جەرلەردە قارجىلىق وپەراسيالار جاساپ، كەيدە الاياقتاردىڭ ارباۋىنا ءتۇسىپ قالادى. ەندى تەرمينالعا جاقىنداعان ادامدار الدىمەن ەسكەرتۋدى كورىپ، قاۋىپسىزدىك ەرەجەلەرىن ەستە ساقتاي الادى.
- بۇگىندە الاياقتار بارعان سايىن كۇردەلى ادىستەردى قولدانۋدا، ال ولاردىڭ قۇربانى كوبىنە سەنگىش ازاماتتار بولىپ جاتادى. سول سەبەپتى الدىن الا ەسكەرتۋ مەن اقپاراتتاندىرۋ اسا ماڭىزدى. ساۋدا ۇيلەرىنە ماكەتتەر ورناتۋ – پروفيلاكتيكالىق جۇمىستىڭ ءبىر بولىگى. ءبىز حالىقتىڭ كيبەرقاۋىپسىزدىك دەڭگەيىن ارتتىرۋ شارالارى تەك قارجىنى عانا ەمەس، ازاماتتاردىڭ تىنىشتىعىن دا ساقتاۋعا كومەكتەسەتىنىنە سەنەمىز، – دەدى ناۋرىزباي اۋداندىق پوليسيا باسقارماسىنىڭ باستىعى ديدار جاقىپبايەۆ.
پوليسيا قالا تۇرعىندارىن قىراعى بولۋعا، كۇماندى قوڭىراۋلار مەن حابارلامالارعا سەنبەۋگە جانە كۇدىك تۋىنداعان جاعدايدا بىردەن "102" نومىرىنە حابارلاسۋعا شاقىرادى.