الماتىداعى ساۋدا ورتالىقتارىنىڭ بىرىندە جاپپاي ساتىلىم كەزىندە تۇتىنۋشىلاردىڭ كوپتەپ جينالۋىنان كۇتپەگەن جاعداي بولدى. الەۋمەتتىك جەلىدە كۋاگەرلەردىڭ وقيعا ورنىنان تۇسىرگەن ۆيدەوسى تارادى.
حالىقتىڭ تىعىزدىعى سونشالىق، بىرنەشە ساۋدا ورنى مەن دۇكەن سورەلەرىن قيراتتى. ءتارتىپتى قالپىنا كەلتىرۋ جانە كەلۋشىلەردىڭ قاۋىپسىزدىگى ءۇشىن پوليسيا شاقىرىلىپ، ادامداردى ەۆاكۋاسيالاۋعا تۋرا كەلدى، - دەلىنگەن ۆيدەوداعى جازبادا.
بۇعان قاتىستى الماتى قالاسىنىڭ پد باسپا ءسوز قىزمەتى دە تۇسىنىك بەردى.
«الماتى قالاسىنىڭ پوليسيا دەپارتامەنتى ساۋدا ورتالىعىندا كوپشىلىكتى دۇرلىكتىرگەن اكسيانى ۇيىمداستىرعان بۋتيك اكىمشىسىنىڭ جاۋاپقا تارتىلاتىنىن، ونىڭ ارەكەتىنە قۇقىقتىق باعا بەرىلەتىنىن حابارلايدى»، - دەلىنگەن رەسمي حابارلامادا.