16-17 جەلتوقساندا الماتىدا 9 سم-گە جەتەتىن قار جاۋىپ، ونى جاپپاي تازالاۋ بويىنشا جۇمىستار جۇرگىزىلدى. جولعا كوكتايعاققا قارسى ماتەريال سەبىلىپ، قاردى جولدىڭ جيەگىنە قاراي تىرمالاپ ءۇيىپ، ونى جاپپاي شىعارۋ جۇمىسى جۇرگىزىلۋدە.
ساعات 17:00-دەگى جاعداي بويىنشا 6300 م3 قار شىعارىلدى.
قار شىعارۋ بويىنشا نەگىزگى جۇمىستار تۇنگى كەزەڭگە جوسپارلانعان. ويتكەنى سول كەزدە جول قوزعالىسى باسەڭدەپ، جول جيەگىنە تۇراقتاعان كولىك سانى ءبىرشاما ازايادى.
تروتۋارلاردى، كوپشىلىك ورىنداردى، ايالدامالارى تازالاۋعا ەرەكشە كوڭىل بولىنۋدە. 185 بىرلىك شاعىن كولەمدى ارنايى تەحنيكانىنىڭ كومەگىمەن تروتۋاردا مەحانيكالاندىرىلعان جيناۋ جۇرگىزىلۋدە.
سونىمەن قاتار، تەحنيكانىڭ ءوتۋى مۇمكىن ەمەس تروتۋارلاردا (باسپالداقتار، پاندۋستار جانە ت.ب.)، سونداي-اق قوعامدىق ايالدامالاردى 425 جۇمىسشى قار مەن مۇزدان قولمەن تازالاپ جاتىر. بارلىعى 344 بىرلىك ارنايى تەحنيكا مەن 840 جول جۇمىسشىسى جۇمىلدىرىلدى.
اۋدان اكىمدىكتەرىندە قار جيناۋ جۇمىستارىنىڭ جۇرگىزىلۋىن باقىلاۋ بويىنشا تاۋلىكتىك كەزەكشىلىك ۇيىمداستىرىلدى.
اۋا تەمپەراتۋراسى بۇگىن 0 گرادۋستان -2 گرادۋس، تۇندە -4...-6. ەرتەڭ 18 جەلتوقسان 0...-2 بولادى دەپ كۇتىلۋدە. ال 20 جەلتوقسانعا دەيىن جاۋىن-شاشىن بولمايدى..
قالالىق شارۋاشىلىق جۇمىسىنداعى پروبلەمالار تۋرالى تاۋلىك بويى Open الماتى 1308 تەلەفونى ارقىلى حابارلاۋعا نەمەسە +7 706 689 8898 What's App نومىرىنە شاعىم جازۋعا بولادى.